王維基低調現身 李霖恩捱慣無綫 撐發牌
【電視大戰之倒戈相向】王維基為首的香港電視不獲政府發牌，全城怒吼，10萬巿民日前遊行逼爆中環政府總部，雖然近日忙於搞司法覆核的王維基未見現身政總，不過前晚9時多，他單拖出現銅鑼灣開平道，估計是晚飯後離開，戴鴨舌帽和孭背囊的他往取淩志座駕，為免被追訪，王維基上車前不忘兩頭望。他上車後即直踩入沙田萬怡酒店，到埗後把車子停在門口，但又怕被發現，最終都把車子駛入停車場，之後一直未見離開。
王維基繼續為爭取發牌作最後努力，非港視藝人都大表支持。即使保安局前局長李少光之獨子李霖恩雖跟無綫有藝員約，但他昨日在九龍灣出席活動，被問支不支持發牌給港視時，他敢言說：「本人係支持發牌，有良性競爭係好事。」對於無綫有「愛回家」熱線，歡迎舊員工回巢，他說：「我支持公司做法，喺我心中都想啲舊同事返嚟，唔覺公司抽水。」
有無綫前員工力數公司待遇差，李霖恩說：「其實家家有求，呢排睇新聞，有啲走咗嘅人話公司刻薄，之前佢哋又喺度做，其實可選擇唔做，做人應飲水思源，間間公司都有好有唔好。」但遇到這情況會怎處理？他說：「我會捱落去，肯努力實有人會見到。」
■無綫藝人李霖恩表示支持政府多發電視牌照。
鄭世豪月薪唔過萬
此外，《星夢傳奇》亞軍的鄭世豪，昨日在維園出席慈善活動，他自爆自01年加入無綫，一直做了12年茄喱啡，月薪依然不過萬，由於上位機會得來不易，世豪昨被問到後晚的熄電視撐港視行動，他避談：「好難答，唔好意思。」巨星幫謝東閔昨日在將軍澳電視城出席拜神時，也贊成政府多發電視新牌說：「睇民意啦，自己覺得有競爭先有進步。」
採訪、攝影：朱志聰、畢紹基、王連連、魯萍
■王維基近日忙於搞司法覆核事件，前晚單拖現身銅鑼灣。
鄭中基@穀德昭搞笑孖寶再發功,笑彈繼續嚟！
周一至周五《亂噏24》約定你：http://bit.ly/appletalk24
|
鍾意就快D Share啦！
|
|
|
