14/10
在拳館逗留了一小時，嘉欣離開時，伍允龍經過門口只望了她一眼。
娛頭
處女劈腿 溝陳展鵬 瞞伍允龍 鍾嘉欣上門認錯
因為一宗交通意外，令鍾嘉欣與陳展鵬地下情曝光，向來有「雜食王」稱號的陳展鵬，在拍《巨輪》時已視嘉欣 BB為必食之選，經常出招冧女，管接管送兼送外賣，加上戲中兩人有多場埋身親熱戲，終於入戲太深，假戲真冧。
事件通天後，同嘉欣拍拖六年的正印男友伍允龍嬲到震，覺得嘉欣瞞住自己一腳踏兩船，為了氹番男友，在撞車事件見報當日（十月十四日），嘉欣罕有地現身男友拍戲現場，上門親自解釋認錯。
撞破戀情
上星期日（十月十三日），陳展鵬駕駛新車落地兩個月的紅色積架 F-Type S跑車，在上環信德中心對開與一架的士相撞，坐在乘客位的鍾嘉欣被發現慌張逃離意外現場，擺明身有屎。
而身為嘉欣的正印男友伍允龍，被陳展鵬挑機爭女當然㷫爆，加上發生意外當日，伍允龍根本唔知女友坐過陳展鵬車，直到報導出街後，才如夢初醒。
「嘉欣係會成日同 Philip（伍允龍）報告行蹤嗰啲女仔，之前佢冇講過嗰日會坐陳展鵬架車，所以 Philip睇到報紙都好愕然，即刻要嘉欣解釋，但聽講 Philip火遮眼，乜都聽唔入耳。」伍允龍身邊人說。
為了幫男友降火，嘉欣與一名女友人在事發後第二日（十四日），第一時間踩上伍允龍在紅磡拍戲現場，親自上門認錯，但看來作用不大，在片場逗留了一小時的嘉欣，最後面燶燶無癮走人，而伍允龍只望了女友一眼便繼續埋位，未有護送她離開。
冧女攻勢
其實在拍《巨輪》期間，陳展鵬已明顯對嘉欣有意思，就算知道對方有個秘密拍拖六年的打仔男友伍允龍，都一於少理，繼續使出冧女絕技，向嘉欣展開猛烈攻勢。
「煎 Pan（陳展鵬）溝女一向有殺錯冇放過，今次咁難得同嘉欣拍檔，佢梗係流曬口水，兩個又多對手戲，好多時都一齊收工，加上兩個都住將軍澳，煎 Pan會主動話順路，車埋嘉欣返屋企，有時佢早收都專登等埋嘉欣先一齊走，如果拍廠景，嘉欣要轉妝唔夠時間食飯，煎 Pan就會送外賣，驚餓親嘉欣。」一名幕後工作人員說。
冧招盡出，加上陳展鵬高大身形屬於嘉欣喜歡類型，又與伍允龍有幾分相似，「過電」話咁易，嘉欣亦多次公開力讚陳展鵬，「展鵬十足超人咁，唔使瞓覺休息，記對白好叻，拍動作戲又夠搏，加上佢啲輪廓都有啲似超人，佢真係可以扮超人！同埋佢好鍾意講哲學、理論同心理學，佢份人比較有思考性，絕對係 TVB筍盤人選。」間接承認兩人在戲外，特別好傾兼非常了解對方。
吊出感情
外在內在條件完全付合嘉欣擇偶要求，加上戲中兩人有大量親熱場面，嘴得多自然嘴出真感情，但最令嘉欣過電，反而是一幕吊威吔戲。由於兩人要被吊高八層樓幾小時，向來少拍動作戲的嘉欣驚到腳震，但陳展鵬就全程攬到對方實一實，俾足安全感，令嘉欣大為感動，連同劇的蕭正楠都忍唔住口踢爆：「吊出真感情！」雖然另一方面有指陳展鵬撻着貝安琪，但原來只屬煲水新聞，陳展鵬亦有向嘉欣解釋，上星期日（十三日）三人同場出席《巨輪》宣傳活動，陳展鵬刻意當貝安琪透明，用行動證明同對方冇感情瓜葛。
為要將嘉欣搶到手，陳展鵬更高調向伍允龍宣戰，「依家終於明白啲前輩講抽番出嚟（戲中感情），係幾咁辛苦，嘉欣真係一個好好又好靚嘅女仔，要抽番出嚟，係有少少難度。」公開表明對嘉欣有 feel。
BB多人爭
身為教徒、屬 TVB四大處女之一的鍾嘉欣，與大隻奀星伍允龍拍拖六年，純過蒸餾水的外表，在圈外圈內一直都有裙下之臣。
無綫打壓
08年，轉型做歌手的鍾嘉欣，向無綫力薦伍允龍做 MV男主角，伍允龍更在 blog內公開二人拍 MV的親密照，此舉即觸怒無綫，更將 MV重拍，改由黎諾懿做男主角。
暗認戀情
12年，有傳鍾嘉欣與伍允龍五年情玩完，鍾嘉欣飛加拿大治情傷，面對分手傳聞，鍾嘉欣終首度默認男友身份，並指：「佢係好信得過嘅男人，我哋關係好好。」
繼續插入
為爭女神，下月底由鍾嘉欣孭飛的新劇《大藥坊》開拍，原本男主角屬陳豪，但因為要陪老婆陳茵媺生仔而辭演，陳展鵬於是向珍姐（曾勵珍）自薦做男主角，等自己繼續有機會黐嘉欣。
對於陳展鵬公開示愛，嘉欣表現尷尬，「唔通佢鍾意我，我唔知喎，同佢（陳展鵬）一齊做過幾次訪問都冇講，等我問清楚佢先。（展鵬喺咪想同伍允龍拗手瓜？）吓！大家都係成年人，唔好嚇親我呀！（使唔使同伍允龍解釋？）呢啲嘢唔使人解釋啦！」
瘟女煎 Pan
陳展鵬出道多年一直無人留意，直至加入無綫憑劇集《真相》成功上位後，緋聞、舊情史便馬上被翻舊賬。有指他圈外圈內無女不歡，擁「雜食王」封號。
OL女友
今年 4月，被拍到與一名貌似姚子羚的 OL女子，於九龍城撐枱腳，食飯期間二人細聲講大聲笑，行為親暱，還著了橙色衫情侶裝。
|
鍾意就快D Share啦！
|
|
|
