掃呢頁CODE去手機

2013年11月8日 星期五

DaDa穀盡復出 抑鬱咬手指 DaDa,陳靜,MW,




24歲嘅 DaDa,今年先憑《低俗喜劇》攞咗最佳女配角。點知佢忽然退出又復出,得罪咗唔少片商、廣告商,年少無知囉!

媽咪姐

DaDa穀盡復出 抑鬱咬手指

今年 8月, DaDa陳靜無知會過經理人施念慈,單方面宣布因壓力太大而息影。之但係,之後俾人傳佢其實係有富貴好友關照,又被發現去咗澳洲玩樂,仲暴肥 10磅,好似好鬼 happy!

DaDa一入門口就鞠躬,道歉完又鞠躬,施念慈(右)全程睇實。

好啦,一眾宅男諗住「女神」從此消失於世間,喊濕曬啲枕頭之際,潛水 3個月嘅 DaDa又話復出嘞喎,周二( 5日)仲開咗個道歉記者會。其間, DaDa邊睇貓紙,邊穀眼淚話:「當時屋企出現好多問題,好似雪球咁愈滾愈大……當時我精神好脆弱,好多嘢諗埋一邊,亦都認為自己性格係咪唔適合再做幕前工作,所以好衝動喺微博單方面宣布退出,以為逃避可以解決問題……」跟住就眼紅紅道歉,話希望各方原諒,之後,佢仲鞠躬 8秒!穀出事業線,貫徹性感形象。

不過,媽咪姐唔係宅男,無俾事業線分散注意力,反而留意到 DaDa啲指甲崩曬,岩岩巉巉,好肉酸!明顯地,佢近期應該勁咬手指,搞到指甲都爛曬。而成人咬手指嘅原因,主要係精神緊張!唉,睇嚟自稱之前患咗中度抑鬱、依家情況大有改善嘅 DaDa仲有唔少心結喎。放鬆啲啦,後生女!

宅男多撐少插

身為高登女神嘅 DaDa,今次復出依然得到廣大「爸打」歡迎!開咗好多 post討論,又力撐佢仍然咁索, DaDa可以放心。

今日爛手指

記者會不設發問環節, DaDa全程揸住貓紙。睇真啲,搽咗甲油嘅指甲短無可短,仲崩曬口㗎!

8月手尖尖

《蘋果日報》圖片

8月初, DaDa出席《喜愛夜蒲 3》拜神儀式時,仲十指尖尖,精神爽利!點知佢幾日後就話息影,激嬲導演錢國偉。



鍾意就快D Share啦!