全城熱爆的娛樂八封新聞 & 時事趣聞 & 生活 + 趣聞
一眼關七 郭少芸不時都會𥄫吓樓面情況同夥計工作態度，呢個老闆娘唔易做。
《愛．回家》已經鐵定加至 500集，有份演出嘅演員有排忙喇。就講 45歲嘅郭少芸，近日除咗忙緊拍處境劇《愛．回家》外，仲要兼顧餐廳生意，所以一有時間就會落去打躉。
早幾日，見佢喺旺角朗豪坊間分店睇舖，當日佢好寫意，坐喺餐廳最角落位置食下午茶，玩吓手機。以為佢純粹落去 hea吓，點知媽咪姐留意到佢原來久唔久就𥄫吓班夥計點 serve啲客。一句講曬，力不到不為財呀！
估唔到閒日下午，郭少芸間舖頭都咁多客，真係生意興隆喎！
老虎都要唞吓！郭少芸𥄫住盤生意之餘，都不忘玩吓手機。
