全城熱爆的娛樂八封新聞 & 時事趣聞 & 生活 + 趣聞
曬到一身古銅色嘅栢芝，笑容滿面 V曬手，似乎夾公仔夾得好高興。
上個月尾霆鋒嫲嫲喺澳洲病逝，四哥同婷婷連夜飛去當地搞喪事，當大家仲諗緊霆鋒同栢芝會唔會帶 Lucas同 Quintas過去悉尼向太嫲鞠個躬嘅時候，原來栢芝帶咗兩個寶貝仔去新加坡遊玩。
雖然媽咪姐都認同，讀萬卷書不如行萬里路，但唔明栢芝為乜成日將兩個仔變逃學威龍。早幾日，有粉絲喺新加坡嘅遊戲廳見到栢芝同兩個仔喺度玩，仲將啲相上載微博，圖文並茂話佢哋玩得好開心。唉！唔使返學有得玩梗係開心啦！
有內地粉絲認出栢芝並要求合照，都冇被拒，唔知香港人要求合照佢又肯唔肯呢？
有粉絲爭相購買 Lucas簽咗名嘅玩具，栢芝開心到合照。
栢芝不單自己對學畫畫有興趣，同時亦栽培兩個囝囝學畫畫。睇起嚟三母子成績唔錯噃！
