2013年11月21日 星期四

民選港姐 朱千雪潛入 深水埗派橙 港姐,朱千雪,M1,




探熱針

民選港姐 朱千雪潛入 深水埗派橙

去年得港姐季軍的朱千雪,未卸任已被無綫力捧,處女劇《 On Call 36小時 II》台慶月出街,又再有機會拍住影帝張家輝、張學友合演新戲《大峽穀》,影視齊踩。

要應付工作壓力,同時要為減十磅搣走 baby fat而努力,朱千雪綽綽有餘,還可抽出空檔,跟住朋友潛入深水埗平民區做義工,周圍走派橙派油,與露宿者近距離接觸。

撰文、攝影:娛樂組 設計:盧錦輝

其他影片
落區做咕喱

有「民選港姐」之稱的朱千雪,雖然未能奪冠,不過無阻事業發展,在新劇《 On Call》中扮演 cool爆女醫生,現實生活中,朱千雪更熱衷於做義工。上週一(十一月十一日)下午四點,記者發現朱千雪與外籍朋友搭的士到深水埗大南街,落車後隨即行入一間名為啟愛共融社區中心( J Life Centre);過了不久,便見她掛住義工證,將中心內十多箱的乳酪、橙以及煮食油,搬到手推車上。

「中心嘅人已經見過佢(朱千雪)好多次,有時會留喺中心教小朋友做功課,亦會幫手落區,之後有人認得佢有份做《 On Call》,咪叫佢 On Call女囉!佢好好笑容,又唔怕辛苦,每次派食物都行成兩、三個鐘,佢次次都跟足全程,無早走。有部分露宿者情緒可能唔係咁穩定,有啲就大大聲無禮貌,有時真係會俾人鬧,但佢都頂得住。」中心義工透露。

打扮隨意的朱千雪跟一班啟愛關懷義工,由啟愛共融社區中心出發,在深水埗區派食物。

有不少南亞裔人士在深水埗區遊蕩,義工團照派冇歧視。

愈派愈混亂,有露宿者(箭嘴)未攞到橙,即大嗌朱千雪俾番一個佢。

唔驚露宿者

上齊物資後,義工隊由大南街開始,向區內的露宿者及一些南亞裔人士派發食物。平時開工有人安排照顧的朱千雪,是日變大力士,拎住一大桶食物,邊行邊派。

當義工隊走到通州街天橋底派橙時,其中一個露宿者因為未攞到橙,忽然嬲爆大罵:「點解唔派俾我,我冇呀!」只見朱千雪完全無被嚇窒,第一時間走埋對方身邊派橙,另一義工又向露宿者「耍冧」,指因為有柱阻住視線,才漏了他一份。在深水埗一帶行足兩粒鐘,直至派完所有物資,大隊才撤離返回義工中心。

台慶負責表演跳舞,她跟一班有份表演的女仔有講有笑,玩埋一堆。



未卸任,朱千雪已被公司安排拍住崔建邦做《勁歌金曲》主持。

有劇推出,朱千雪近日亦成為搶手吸金女,早前就跟森美出活動搵真銀。

《 On Call 36小時 II》,朱千雪與吳啟華做情侶,她自言有相當壓力。

未沖過熱水涼

「 Tracy(朱千雪)返咗香港後,同幼稚園同學聯絡番,對方搞緊一個叫 Chicken Soup嘅 programme,包括幫啲低收入家庭小朋友教佢哋功課,當中因為父母冇錢交電費,而未試過用熱水沖涼嘅亦有, Tracy只要有時間,就會跟呢個朋友一齊去做義工。」知情者說。

上週三(十三日)晚,朱千雪返電視城為台慶彩排,對於做義工不時被露宿者發脾氣,她說:「露宿者有啲係幾惡,不過大部分都斯文。有時係我哋搞亂咗,唔知邊個未派邊個派咗,最重要係佢哋真係需要人幫。我由加拿大返嚟之後開始做義工,工作性質每次都唔同,有時會教小朋友做功課,每次都係一班人出動,我覺得好開心。」

善心藝人

不少藝人都喜歡做善事,搵到錢的都義不容辭去捐錢,但能夠放下身段,落手落腳親身接觸受助的人,似乎比只是捐錢來得更有意義。

劉心悠派糧

早前與一班朋友到深水埗超市掃貨,大量乾糧及生果,然後到附近一帶給露宿者送暖;付出金錢數目雖然有限,但藝人時間就是金錢,這份心意比起只捐錢做善事更難得。

鄭欣宜探病

上年生日欣宜特別帶同一班歌迷做義工及探訪患病小朋友,更親自為病童挑選禮物,打掃院舍,由吸塵、拖地、抹窗一腳踢。



鍾意就快D Share啦!
Related Posts Plugin for WordPress, Blogger...