劉華幫徐小鳳谷飛 徐小鳳,劉德華,劉華,M1,

同你吟一吟

劉華幫徐小鳳穀飛

○五年復出並連續兩年喺紅館開咗一共三十五場個唱嘅徐小鳳，星期日（十七日）開記者會，公布明年二月再喺紅館舉行個唱，暫定唱六場。

小鳳姐江湖地位高人一等，幫手穀飛嘅張學友、鄭秀文、容祖兒全部係阿哥同阿姐級，劉華仲親筆題字，送上：「走過順流逆流　依然金光燦爛」賀前輩開 show。

六十四歲徐小鳳吸金力頑強，亦係紅館場數紀錄至高保持者，八珍相信，得八十五歲嘅仙姐白雪仙出山，先可以單拖砌低佢，吖！

一班歌手拍片賀徐小鳳開騷，劉華即席揮毫手口並用。

Sammi建議小鳳姐將 22吋腰標準改為 29吋，以便照食唔使辛苦減肥。

穀飛大曬！周星馳喺《賭俠》唱過兩句徐小鳳《變色感情》嘅片段，亦唔放過。

聯手主辦嘅林建嶽同楊受成，陪住小鳳姐切波點蛋糕。

鍾意就快D Share啦！

下一篇 》