穀盡㗎喇！
（設計對白）
探熱針
有味小品 旺角益街坊 唐詩詠唧罅灑鹽花
灑鹽花搶收視一招雖已大不如前，但無綫態度照舊，對觀眾意見一於少理。正在拍攝的新劇集《男大當婚》，女主角之一的唐詩詠早前在旺角拍外景，要當街露腰曬腿穀曬罅上陣，讓街坊先睹為快。
其他影片
自製深坑
由黎耀祥、蘇玉華、唐詩詠合演的新劇《男大當婚》，即使主題是輕喜小品，但無綫堅持有殺錯冇放過，繼續重口味穀收視。在劇中飾演過氣𡃁模、與洪永城及羅鈞滿有感情線的唐詩詠就算係骨女一個，都要露！
早前劇組在旺角街頭搭起帳篷及擺放飲品宣傳板拍外景，由於有不少途人圍觀，當日穿上露腰短裙的唐詩詠埋位前大部分時間都匿在帳篷內，直到正式埋位脫去外套的她，唧出事業線穀到行。
「拍之前已經同監製溝通過，係監製要求我著得 sexy啲，所以專登就整條深坑俾佢，雖然效果一般，但我盡咗力㗎喇！」唐詩詠說。
想有突破
現場所見，唐詩詠落力穀罅演出外，同場還有四位穿著性感的女藝員，個個身材都有番咁上下。
「劇中我係個出名嘅𡃁模，呢場戲係話我退出𡃁模界之後又再出返嚟做，但個世界已經唔同咗，所以我同另外四個女仔都要著得好性感。其實唔算灑鹽花，導演覺得有需要先咁安排。」唐詩詠說。
唐詩詠聲稱，過去自己未必會配合，但導演希望她可以有更多不同的發揮空間，作為演員，突破是有必要。
加料
近年無綫劇慣性重口味，即使收視未必會因此而升高，甚至不時令通訊事務管理局收到多宗觀眾投訴兒童不宜，唯一達標，是成為網民熱話，無論彈讚，都收宣傳之效。
|
鍾意就快D Share啦！
|
|
|
