掃呢頁CODE去手機

2013年11月8日 星期五

楊采妮莫文蔚忽然「不和」? 莫文蔚,楊采妮,MW,




唔好嬲,笑吓啦!(設計對白)

一代女神楊采妮着住紐約名牌 Legends by Romona Keveza婚紗,戴住 3卡鑽戒嫁邱韶智,清雅高貴。

媽咪姐

楊采妮莫文蔚忽然「不和」?

39歲嘅 Charlie楊采妮同 43歲嘅邱韶智離離合合,上周六( 2日)終於拉埋天窗,選址喺男方老家新加坡嘅聖淘沙東岸 W Hotel。雖然有報道話 Charlie貼錢嫁,又有人話佢平嫁,但佢一於少理,做個開心新娘,不斷同在場記者講:「好開心!」媽咪姐連日喺星洲發現,被邀請嚟飲嘅圈中好友只得梁詠琪、李心潔、許茹芸同袁詠儀等十幾個,相當低調。

之不過,唔好怪媽咪姐多心,同 Charlie相交多年嘅莫文蔚( Karen)竟然 no show,八卦嘅媽咪姐去 Karen微博度 check check,發覺佢當日去咗上海,為自己 8至 11日嘅演唱會綵排,咦?使唔使早成個禮拜綵排先!猶記得今年 5月, Charlie處女執導嘅電影《聖誕玫瑰》做首映, Karen明明當晚要趕夜機返英國探親,都專登抽空捧場,點解今次竟然冇份呢?嗯,媽咪姐又多心咗,諗起首映當晚 Karen舊愛馮德倫都喺度,兩個仲面左左㖭,唔通 Karen怪 Charlie冇事先通知?

好姊妹終於嫁,但 Karen就選擇提早 N日為演唱會綵排,仲得閒到 post上海街頭相上微博,但就無留言恭喜 Charlie,嗯……

今年 5月,要趕飛機唔得閒扮靚嘅莫文蔚都趕去首映撐 Charlie㗎!

上周六,多年姊妹(左起)許茹芸、梁詠琪同李心潔都飛到新加坡賀 Charlie(白裙者),但獨缺 Karen。



鍾意就快D Share啦!