2014年1月9日 星期四

[壹週刊 1244] 預謀失控  Eason玩嘢發洩 Eason,陳奕迅,M1,




淩晨三時, Eason一個人離開 Armani Bar,塊面超黑,十問九唔應。

探熱針

預謀失控  Eason玩嘢發洩

年做六十八場巡迴演唱會,豪買二億三獨立屋送老婆,一炮過俾錢面不改容的陳奕迅,早已壓力爆煲!在叱吒頒獎禮 hea唱,專登玩嘢發洩。

踏入新一年, Eason與老婆徐濠縈到中環開 P,情緒同樣大上大落,到場時開開心心,入到場內全程黑曬面坐埋一邊。玩到淩晨二時多,阿徐拉老公出舞池一齊玩,但心情差爆的他卻堅持走,拉扯一輪,黑面走人。

高雄示範 hea唱

地位神級,但陳奕迅的神化情緒問題,不下一次被扣分。在剛舉行的叱吒頒獎禮,黑面 hea唱惹狂轟。之不過,甩嘴走音,竟是 Eason一早預謀。

上月二十八日 Eason在台灣高雄的巡迴演唱會上已經預告,返港後會 hea唱走音。

「嗰晚 Eason講完之後唱《單車》已經即場示範,專登唱到走曬音,估唔到返到香港真係 hea成咁!其實佢呢兩年做巡迴真係做得好攰,本身個人又多牢騷,呢排仲愈嚟愈嚴重,但佢壓力真係好大,身邊朋友都好擔心佢。」知情者說。

Eason情緒失控,徐濠縈只有想盡方法開解。上月(廿一、廿二日)做完兩場台北演唱會, Eason轉飛北京再開多一日工,便飛去日本三日,會合老婆過聖誕。

Eason俾錢買二億三千萬獨立屋,由徐濠縈個人名義持有。 Eason搵幾多,都交俾老婆管。

中環嘴老婆

一三一四除夕倒數,兩公婆亦一齊過。當晚十二時多, Eason與阿徐同車到中環,在雪廠街落車後,兩人還在街頭嘴嘴,看似心情不錯的 Eason,上到 Armani Bar後情緒卻一百八十度轉變,自己坐埋一邊黑曬面,徐濠縈則與 Yumiko、黃伊汶、何嘉莉等人在舞池自得其樂。

悶爆的 Eason,一直揦口揦面,就算黃伊汶男友陳國坤一度走埋去撩他傾偈, Eason一樣毫無反應。

玩到淩晨兩點幾,阿徐終於由舞池回歸老公身邊,並一度想拉 Eason出去一齊玩,二人耳語兩句,拉扯一輪後, Eason就大步走人,留低阿徐自己繼續。

陳奕迅黑面獨坐,阿徐卻 high爆在舞池狂跳,淩晨近三時,兩人講了幾句,拉扯一輪, Eason就獨自走人。

三月狂巡迴

異常行為,身邊人𢱑曬頭, Eason卻我行我素。

「可能我比較少歌迷活動,冇直接接收佢哋嘅正能量,公司同事對我做嘢多數挑剔,會令我有時迷失,所以先講嗰晚(叱吒頒獎禮)留班嘅嘢,其實要 reset自己。都發生咗,如果知邊個講(被指唔專業),下次同佢講番聲,笑一笑,其實做番自己,撐你嘅人會撐你,唔撐你嘅,你做乜嘢都唔會撐,冇得 please曬所有人。」 Eason說。

家擔不輕,工作又排到密質質,嚟緊三月, Eason已經要到新加坡、澳門、倫敦、巴黎開騷,想 reset,都唔容易!

去到叱吒慶功宴, Eason又將個獎拋來拋去,最終跌落地崩埋。

黑面唱得獎歌, Eason仲要專登用手機睇歌詞。(《蘋果日報》圖片)

上週日, Eason在屯門市廣場舉行簽名會,為演唱會 Live碟做宣傳。

Wyman高價收版權費,令《 Eason Life》一碟最後只收錄了二十一首歌, Wyman寫的十三首歌全部被飛,有指 Wyman與陳家瑛公司交惡, Eason夾在中間,左右做人難。(《蘋果日報》圖片)

火神

名氣大壓力更大!陳奕迅出道以來時有出位言論,甚至惹來非議,十分惹火。去年,他公開承認自己患有躁鬱症及人群恐懼症。

批評三大天王

01年在叱吒頒獎禮記者會中,揚言「除咗張學友嘅碟,其餘三位天王嘅碟都吸引唔到我買」,引起了一場風暴後,唱片公司要開記者會解釋,但會上 Eason又再失控,企圖毆打在場一位追問問題的記者。

踢爆濱崎步

07年,濱崎步在紅館開演唱會反應超好,席上的 Eason卻唱反調,失言踢爆步姐的演出三分一是咪嘴,被步姐歌迷炮轟,惹起雙方歌迷爭執。

辣林峯

12年,在《勁歌》頒獎禮完結後, Eason在微博上載一張拿著獎座鬼馬 chok樣的照片,暗寸林峯憑冷門歌《 Chok》奪得金曲金獎。

(《蘋果日報》圖片)

怪歌迷

去年在紅館舉行 25場個唱的 Eason,尾場時連環狂寸歌迷,唱快歌《重口味》時怪觀眾未有企起身跳舞「原來跛嘅」,之後聽見有歌迷大嗌, Eason不滿黑曬口面指對方腦有問題,又不滿歌迷掛住用手機影相,唔尊重表演者。



鍾意就快D Share啦!
Related Posts Plugin for WordPress, Blogger...