軒仔 12月 27日上廣州開演唱會，同行嘅小斌女一身打扮同平安夜一樣！
同你吟一吟
小斌女 陪軒仔唔換衫
公開性向嘅何韻詩，同鄧九雲嘅親密關係愈來愈公開，但另一啤張敬軒同關智斌，反而變得愈來愈低調。
話說早個禮拜平安夜，著到紅噹噹好有節日 feel嘅小斌女，約埋電影《春嬌》入面憑經典對白「腿張開」出位嘅陳逸寧，再加多個女性朋友喺圓方坐露天位開餐，原來三個「好姊妹」都係煙民。
食飽飯，各自各攞住手機煲飯後煙上網，其間，小斌女同位男士玩微信，對方仲 send咗張大頭相俾佢，雖然小斌女睇到好回味，不過相中人就唔多似軒仔。三個女人一個墟，放低手提電話，三個吱吱喳喳吹到十一點先埋單急急腳走人，原來趕住去張敬軒屋企，倒數迎接聖誕。
喺香港一齊過完佳節，軒仔二十七日上廣州開演唱會，小斌女都有同行，仲俾軒仔歌迷影佢相放上網。咦！望真啲，小斌女一身打扮，同平安夜一模一樣！點呀，你冇放多幾套衫喺軒仔屋企咩？
扮不在場
平安夜小斌女公開同好姊妹晚飯照片，夜晚去到軒仔屋企迎聖誕，小斌女扮不在場，只有陳逸寧放相上社交網。
|
鍾意就快D Share啦！
|
|
|
