2014年1月9日 星期四

[壹週刊 1244] 老公怕見光 楊采妮焗做飛人 楊采妮,M1,




探熱針

老公怕見光 楊采妮焗做飛人

楊采妮( Charlie)去年十一月與邱韶智拉埋天窗後,因為老公對香港傳媒始終有所顧忌,早前老友許如芸在深圳開騷,一班好姊妹們梁詠琪、 Charlie齊齊帶埋老公去撐場,但邱韶智知有記者在場,堅持同老婆分開坐;就連經香港返新加坡,都要前後腳分開走。嫁雞隨雞的 Charlie,唯有配合,隨夫長居新加坡,做過埠新娘。

答應外父補擺酒

楊采妮與相戀廿年的邱韶智去年在新加坡結婚後,一直長居新加坡。

「 Charlie年紀唔細,想趕喺四十歲前生 BB,咁佢老公喺新加坡住,生意又響嗰邊, Charlie咪跟佢響嗰邊住囉。

本來 Charlie想留喺香港,因為佢爸爸中風,行動不便,佢好孝順,想抽多啲時間照顧爸爸,不過邱韶智當年被香港傳媒寫佢食軟飯呃女人錢,所以到而家都好怕記者,要佢喺香港住根本冇可能, Charlie唯有兩邊走。」楊采妮身邊人說。

不過,為了商量在香港補擺酒的事,邱韶智最近亦陪老婆返了香港一星期。

「之前佢哋喺新加坡結婚, Charlie老豆去唔到,邱韶智答應過佢外父會喺香港補擺酒,講咗就要做,所以趁有時間,專登飛返嚟同老人家商量!」

四朵金花李心潔、許茹芸、梁詠琪及 Charlie均覓到另一半,四對夫婦組合來張大合照,邱韶智與 Charlie肯甜蜜私拍照卻不願被香港傳媒影到他,令人費解。

老友許茹芸原本安排了邱韶智、 Charlie、梁詠琪、 Sergio與 Mr.Big共坐,最後卻因邱韶智避傳媒而令到 Charlie旁邊變了空櫈一張。



拍拖逾廿年的 Charlie與邱韶智,終於在去年十一月結婚,二人婚後不設防,希望盡快有 BB,組織幸福小家庭。

深圳睇騷分開坐

經常要新加坡香港兩邊撲的楊采妮,平均每個月回來兩次,每次留幾天,探望父母及約朋友見面。早前許如芸在深圳舉行演唱會,兩公婆亦約同梁詠琪,齊齊北上捧老友場。

「四朵金花都結曬婚,咁啱大家又就到時間,大家決定帶埋老公一齊去深圳,邱韶智雖然冇反對,但就提出要分開坐,佢話同 Charlie一齊坐會有好多記者影相,佢唔慣!大家都知佢怕香港傳媒,所以都冇逼佢,連睇完騷都分開車走。」

睇騷要分開坐,邱韶智連由香港飛返新加坡,都選擇同老婆分日飛。

「原本兩公婆係一月五日起程飛返新加坡,不過邱韶智諗諗嚇都係決定分開日子返去,所以特登改早一日飛。」知情者說。

一月五日下午二時,戴住帽的楊采妮現身機場,見到有記者,她第一個反應是轉身避,問邱韶智為何不與她同行,楊采妮說:「佢有嘢做,所以飛咗返去先。」

許茹芸在個唱前宣布已跟韓籍男友 Mr.Big註冊結婚,在個唱尾聲, Mr.Big上台答謝樂迷對太太的支持,忍不住又攬又錫太太,恩愛之情羨煞旁人。

許茹芸的演唱會完畢後, Charlie與梁詠琪等人齊上許茹芸的七人車離開, Charlie上車前左望右望,慎防被跟蹤。

Charlie出名是位孝順女,出嫁當天因爸爸中風後行動不便,只得媽媽出席婚禮,對她來說是美中不足之處,所以趁今次與老公回港, Charlie與邱韶智有跟楊爸爸傾談補擺酒一事。

一月五日離港飛返新加坡的 Charlie,表示老公邱韶智因有公事忙,所以比她早飛返新加坡。



鍾意就快D Share啦!
Related Posts Plugin for WordPress, Blogger...