掃呢頁CODE去手機

2014年1月9日 星期四

[壹週刊 1244] 硬淨吳綺莉 處變力強 吳綺莉,M1,




朋友架車懷疑電池打柴,的士大佬幫手用「過江龍」搭番著,負責班救兵嘅吳綺莉功成身退,企埋一邊講電話。

同你吟一吟

硬淨吳綺莉 處變力強

早排成龍響北京宣傳新作《警察故事 2013》,講到戲中一段父女情,忽然有感而發,主動提起佢同吳綺莉所生嘅「小龍女」吳卓林:「我想起了我的『小龍女』,我也對她疏忽了很久。」

做咗十四年單親媽咪嘅吳綺莉當然睇通睇透,馬上踢爆成龍講緊套戲,唔係講緊自己個女。

成龍抽水,瞞唔過吳綺莉對眼,即拆!早排佢同前經理人去跑馬地食飯,離開嗰陣對方架車死火撻唔著,吳綺莉應變同樣快速,二話不說捉住對方走來走去響街邊截的士幫手撻番著架車,見冇人拔刀相助,再打電話 call相熟的士大佬過嚟救駕。

話曬做過成龍身邊嘅女人,吳綺莉果然有番咁上下硬淨。

兩架車平排泊響街,警察一度上前幹涉,但見到吳綺莉響度,轉身就走。

雖然唔識整車,但吳綺莉勝在夠冷靜,周街截的士搵人幫忙不果,再幫手打電話 call車,其間又埋去問朋友有咩需要幫手。

趁整車空檔吳綺莉行開去買外賣,之後就坐朋友順風車返屋企。

吳綺莉講過,如果卓林想見嚇老豆,佢絕對唔會阻止。



鍾意就快D Share啦!