2014年1月9日 星期四

[壹週刊 1244] 同場開 P 劉嘉玲楊受成又飲又攬 劉嘉玲,楊受成,嘉玲,M1,




見到梁朝偉「貓」曬,劉嘉玲扶實老公行入 Faces,更忍唔住偷笑。

探熱針

同場開 P 劉嘉玲楊受成又飲又攬

劉嘉玲跟梁朝偉結婚六年,一個做生意交際頻繁,一個偏靜喜歡歎世界,生活模式大不同,但每逢大時大節,兩夫妻必定孖住一齊過。今年元旦在微博大曬行山相的劉嘉玲,當日晚上已經拖實飲到行唔穩的梁朝偉去灣仔開 P。

自言信佛後愈來愈豁達的嘉玲,當晚同老友上山詩鈉、葉童夫婦等朋友玩到淩晨;同場撞到曾經跟她有過節的楊受成,二人又飲又攬,冇事一樣!

貓住去下場

上週三元旦夜十點半,一身高貴打扮的劉嘉玲,拖住飲到腳步浮浮,幾乎連眼都睜唔開的梁朝偉,去到灣仔萬麗海景酒店的 Faces開 P。落車後,嘉玲全程扶實在上一場已飲得相當盡興的偉仔行入酒店,在大堂碰上葉童老公陳國熹,二人立即幫手,護送偉仔上扶手電梯,見老公「貓」到幾乎唔識行,嘉玲亦忍唔住偷笑。

當晚嘉玲約了上山詩鈉、葉童夫婦等一班朋友在 Faces唱歌慶祝二○一四,據了解,十二年前跟她有過過節的楊受成,亦有同場。

楊受成玩完由酒店側門離開。

大約十一點,成龍孖導演陳德森到達,會合老友楊受成慶祝。

派一千蚊

「嘉玲同朋友喺房坐,楊受成就同屋企人、成龍、古巨基、張致恒等一班自己友喺 Faces大廳一齊慶祝。其實當晚大家都周圍走,事關好多人都係識,嘉玲都有走出嚟同其他人打招呼,不過偉仔就飲大咗,冇乜行過出嚟!嘉玲同楊受成有傾偈同乾番杯。

「大家可以無事傾番偈,都係因為兩個都變咗。嘉玲呢幾年睇好多佛經,個人變得睇得好開,講同做都放得低,好似 Maggie(張曼玉)當年同偉仔拍戲傳緋聞,嘉玲亦知係點,不過佢冇再計較,之前仲喺金馬獎頒獎禮一齊合照。而楊受成之前慶祝七十大壽,都有請番當日同佢搞得好唔開心嘅梁思浩去飲。嘉玲同楊受成都可以將以前唔開心嘅嘢抹走曬,大家都玩得開心,嗰晚楊受成仲大派一千蚊。」知情者說。

淩晨兩點幾,已經玩足四粒鐘的劉嘉玲跟酒氣開始過、不需要人扶的梁朝偉上車離開,跟住上山詩鈉、張致恒等亦陸續離開,至於成龍跟楊受成則由側門走人。

自從去年初傳過婚姻有問題後,劉嘉玲有份投資的新餐廳或新鋪,梁朝偉都會撐場。

劉嘉玲在元旦日 po了一張行山相,並祝大家天天好,夜晚則同朋友開 P。

淩晨兩點,古巨基在助手護駕下走人。

逢派對都 high爆的上山詩鈉當晚難得清醒離開,更可以揸車返屋企。

Boy'z的張致恒元旦晚亦有跟老闆一齊開 P。

嬲完無事

劉嘉玲跟楊受成唔係第一次交惡, 94年,楊受成在上海豫園建明星城,向成龍、張國榮、劉嘉玲、梁朝偉、譚詠麟等一班名人集資過千萬,由於資金緊縮,直至 97年仍是爛地一片,劉嘉玲是首個為此公開向楊受成追討過百萬資金的藝人,楊之後在傳媒前大動肝火,二人亦因而互不瞅睬數年, 04年,英皇買回他們所佔的百分之十股權,並再建大型商場及寫字樓。



鍾意就快D Share啦!
Related Posts Plugin for WordPress, Blogger...