2014年1月6日 星期一

為Hea唱解畫 Eason被挑剔致迷失 Eason,陳奕迅,

video


為Hea唱解畫 Eason被挑剔致迷失

為黑面解畫 Eason被挑剔致迷失

現年39歲的陳奕迅(Eason)日前在商台叱吒頒獎禮上雖狂掃5獎做大贏家,但因在台上黑面「hea唱」,獻唱時走音兼用手機睇歌詞,表現失準及不專業而被網民抨擊,雖然Eason近日是非多多,但無損粉絲支持,昨日他在屯門舉行專輯簽名會時,獲粉絲力撐,現場簽足500個名。



■近日是非纏身的陳奕迅昨日在屯門舉行簽名會,獲數百粉絲撐場。

「撐你嘅人會撐你」

對於黑面獲網民支持、反對聲音參半,有人覺得Eason現疲態,他說:「可能我比較少歌迷活動,冇直接接收佢哋嘅正能量,公司同事對我做嘢多數挑剔,會令我有時迷失,所以先講嗰晚留班嘅嘢,其實要reset自己,老婆(徐濠縈)都叫我做運動,人開心啲。」但被批評不專業時,他就說:「都發生咗,如果知邊個講,下次同佢講番聲,笑一笑。其實做番自己,撐你嘅人會撐你,唔撐你嘅,你做乜嘢都唔會撐,冇得please所有人。」

有傳Eason有意在港台十大中文金曲頒獎音樂會上宣佈不攞獎,他否認說:「冇!點解咁講?最近收到好多朋友慰問說話,唔係唔開心,只係嗰日吽咗啲,講咗句轉接期,只係唔識表達,應該係要有啲新嘢做嚇。可能有啲攰,攰係因為心境習慣咗做tour,返嚟做頒獎禮只唱兩首歌,方式唔同。」有指他與經理人陳家瑛鬧交,他就否認此事,並指公司4年前已叫他可以不去頒獎禮,但Eason直言上年出碟無理由不出席,而且覺得幾好玩,所以今年特別想參加。



■現場有兩名小朋友以陳奕迅的唱片造型示人。



■被指唱歌出現疲態,陳奕迅自言會聽太太徐濠縈話多做運動,人就會開心。



■陳奕迅日前在商台叱吒頒獎禮上被批評黑面、玩獎兼「hea唱」。

資料圖片

法國騷賣飛死機

稍後Eason會到法國、英國、新加坡等地巡迴演出,上次太多人搶購令英國售票網故障,他說:「今次輪到法國server down。」對於唱片未收錄黃偉文的作品,問Eason可怕影響銷量,他說:「都會,希望會好(銷量),係有啲可惜。」

採訪:王連連

攝影:黃偉雄

戲裡戲外,話題最強,立即收睇《動戲場》:

extra/list/



鍾意就快D Share啦!
Related Posts Plugin for WordPress, Blogger...