網事力場：G.E.M.揮低蒼井空 封百度美女No.1
鄧紫棋（G.E.M.）參加湖南衛視唱歌比賽節目《我是歌手2》，雖然喺首集排第5墊底陪襯內地星，但佢憑歌喉同靚樣喺內地一夜成名，噚日百度風雲榜女歌手同美女榜十大排名，G.E.M.連霸兩榜第一位，美女榜排名力壓第2蒼井空、第3樸信惠、第6林允兒同第10楊冪；歌手榜則撼低排第2、在《我是歌手2》中力壓她的羅琦，可謂吐氣揚眉；第3是少女時代、第9是梅艷芳。
■G.E.M.雖然喺《我是歌手2》墊底陪襯內地星，但依然憑唱功同靚樣喺內地一夜成名。資料圖片
「受寵若驚」
G.E.M.噚日喺微博興奮留言：「嘩！受寵若驚！謝謝各位給我的支持和愛，太感人啦。」G.E.M.仲讚《我》其他6位參賽歌手：「前輩都威風凜凜很有氣勢，怎麼我那麼像沒睡醒？還是講話到一半？還是吃了一顆很燙的魚蛋？」喺首集比賽排第6、輸畀G.E.M.嘅張宇幽默回應：「魚蛋？那也行啦。我出道到現在，他們都說我是含著滷蛋在唱歌的。所以我們可以組個團體叫做：蛋蛋的幸福。哈哈！」
■G.E.M.喺噚日百度美女榜和女歌手(右圖)榜中都排第1。
至於包尾排第7嘅周筆暢被網友勁彈：「造型醜到無法忍受。」佢喺微博話：「我已經特派殺手，可惜化妝師逃到國外，看來我要動用國際刑警了。」
■張宇喺首集《我是歌手2》排第6，自嘲出道至今都俾人話似「含著滷蛋在唱歌」。
■宅男女神蒼井空竟不敵G.E.M.，排美女榜第二名。資料圖片
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|
