王敏德大女咀洋妞
【中環】被踢爆有新戀情的薛凱琪曾傳是斷背一族，而王敏德與名模馬詩慧（Janet）的20歲大女王曼喜（Kayla），前晚跟一長髮洋妞在街頭咀嘴爆出攣情。兩人10時多先到中環酒吧談心，之後拖手到海邊，兩人坐在長椅上搓手搓腳兼激吻，儼如熱戀中情侶。當被記者撞破後，原本搭著洋妞膊頭的Kayla即時縮手，記者問Kayla是否拍拖？她只說：「Oh my god！」
■王曼喜（右）前晚與洋妞在長椅激吻。
再問Kayla為何這麼親熱？她說：「凍呀嘛。」之後兩人咬耳仔，洋妞先離開返回寓所，Kayla則獨自乘的士返家。昨日Janet在電話力撐愛女說：「佢唔係拍拖，嗰個係佢朋友，喺公眾場合係有少少親熱，但可能某啲位做呢啲嘢係適合。」怕女兒有同性戀傾向嗎？她說：「就算係都唔係大不了嘅事，年輕人要摸索性傾向，佢哋𠵱家好confuse係鍾意男定女，又唔係乜嘢傷天害理，作為父母應該支持，如果一生人搵到個好愛佢、好關心佢嘅人，呢個係祝福，開心都嚟唔切。」
王敏德昨晚現身跑馬地，問到大女被拍到與洋妞的親熱照，他說：「𠵱家唔講，唔好意思。」追問他介不介意女兒喜歡女生？他想了想說：「冇問題。」
採訪、攝影：梁繼光、黃曉程、羅慧敏、李志明
■起初王曼喜攬實洋妞膊頭，但一見記者即狼狽彈開。
■王敏德表示不介意女兒喜歡女生。
|
鍾意就快D Share啦！
|
|
|
