掃呢頁CODE去手機

2014年3月3日 星期一

有人放料攻擊小恩子 劉小慧:sorry,我只會死守佢嗰邊 小恩子,劉小慧,黎瑞恩,

video


【短片】有人放料攻擊小恩子 劉小慧:sorry,我只會死守佢嗰邊

2014-03-03 01:52:00

有人放料攻擊小恩子 劉小慧:sorry,我只會死守佢嗰邊

劉小慧今日喺深水埗出席亞視《BB日記》頒獎禮,佢話《BB日記》節目就快完,收到唔少人話呢個節目入面嘅資訊好有用,幫到唔少媽咪,所以會籌備拍第二輯,話題主要係小學。

小慧透露之前同好朋友湯寶如、黎瑞恩去蘇梅島旅行,全程都吃喝玩樂,玩得好開心。講到黎瑞恩戀上有婦之夫,小慧話:「作為佢朋友,我只可以話畀大家聽,佢安好,我哋做姊妹就全力撐佢,至於佢感情生活、婚姻生活,SORRY,唔輪到我呢個局外人去講,我覺得應該留番畀阿恩自己親自交代,我唔想我講多講少,影響到佢任何所有嘢。」

對於黎瑞恩同車婉婉絕交,小慧又話:「唔想作任何評論,我唔知真定假,亦唔會去問,我覺得應該留畀阿恩講,總之我心目中,阿恩一定係我好姊妹,我識佢太多年,知佢性格,佢係一個非常善良嘅好人,佢會做好多好事,所以我絕對相信佢。如果有啲嘢攻擊佢,或者對於佢負面嘅嘢,sorry,我只會死守佢嗰邊。」





鍾意就快D Share啦!