撐小鳳姐個唱尾場 民間特首華仔贏掌聲
樂壇殿堂級歌手徐小鳳在紅館舉行八場演唱會，前晚圓滿結束，吸引富商劉鑾雄母親、妹妹、女友甘比及女兒劉秀樺、汪明荃、趙雅芝、淩波、金漢及黃秋生等捧場。大前晚前特首董建華及現任特首梁振英都是座上客，結果惹來全場噓聲，不過前晚輪到「民間特首」劉德華做嘉賓，現場氣氛360度轉變，全場high爆！
打了波點呔、著上穿窿吊腳牛仔褲的華仔，與小鳳姐合唱《隨想曲》，小鳳姐搞gag，稱呼華仔做「愛．德華．一世」。二人攬攬時，華仔因擔心踩到小鳳姐的裙襬，做了一個紮馬姿勢，不過被取笑：「同佢設計個坐廁啦！」小鳳姐表示二人對上一次見面是華仔的演唱會，華仔直言身份改變了：「我由男仔變咗男人，然後變埋老竇。」小鳳姐叫全場粉絲一齊恭喜華仔，華仔亦大方地說：「我可以宣佈，我係幸福。」全場觀眾拍爛手掌。小鳳姐寄語華仔要好好對待身邊女人，華仔即說：「我連你哋都會好好咁對（待），唔只身邊女人。」
■劉德華前晚擔任徐小鳳演唱會尾場嘉賓，他又跪又攬（小圖），現場氣氛熱烈。攝影：黃文偉
■小鳳姐與大劉女兒秀樺握手，甘比拍照留念。
添食望減票價
小鳳姐與華仔又互讚keep得好，小鳳姐笑言要借裙給華仔，華仔搞笑地說：「你唔好講呀！我可能著得落㗎，因為我𠵱家減緊肥，遲啲要做農民。」接著他們合唱《一起走過的日子》，小鳳姐搞笑地將「有生、有死、有義」改為「有山、有水、有樹」。之後華仔獨唱一首《我恨我癡心》，小鳳姐換完衫後都被感染到揈手，但她笑說：「我唔跳得㗎，我會跌曬啲嘢出嚟！」
慶功宴上，小鳳姐宣佈已答應舉辦演唱會part 2，不過未知可會成功申請檔期，她唯一要求的是減票價：「我覺得坐得好高位置嘅門票唔想賣得太貴，好多一家大細嚟支持，有錢嘅有錢，不過普羅大眾都有好多觀眾，我係香港人，為香港人做事嘅人，主辦單位都好支持。」
採訪：黃曉妍
■（右起）趙雅芝及汪明荃結伴捧場。
■慶功宴上，小鳳姐宣佈已答應添食開part 2。
|
鍾意就快D Share啦！
|
|
|
