冧到出面
上周五（ 16日），富二代 Jeff借遊艇俾 Uny拍節目。等候埋位時，冧 Uny冧到出曬面嘅 Jeff，把握機會親近對方，乘機抱起 Uny。
娛樂喧
孖蘭子開節目 趙哲妤教釣富二代
港女愈來愈遲婚，皆因唔少姊妹都想嫁個有錢人。其實香港仲有唔少富二代筍盤，問題在於捉唔捉得住機會。情史厚過電話簿的陳淑蘭（蘭子），最近就同前中國小姐趙哲妤（ Uny），主持電視節目《蘭子的 7卡半鑽石》，擺明車馬教姊妹釣個鑽石王老五及富二代。
Uny自信爆棚：「我一向都有唔少富二代追求！」裙下之臣無數的她更獲富二代借出遊艇拍攝。現場所見，她不但教如何分辨真假富二代，更現場示範點冧有錢人。姊妹們，學嘢嘞！
陳淑蘭（蘭子）與趙哲妤（ Uny）為有線主持《蘭子的 7卡半鑽石》，節目會拜訪城中鑽石王老五、富二代、名媛及𡃁模，為姊妹們提供「富二代攻略」，務求令姊妹們嫁個有錢人。
多次與富二代傳緋聞的 Uny，上周五（ 16日）就邀得富二代 Jeff做嘉賓，對方更借出私人遊艇供 Uny拍攝之用。據知身家豐厚的 Jeff曾經追求 Uny，雖然最終 Uny只肯認他是「好朋友」，但現場所見， Jeff一見女方即表現雀躍，看來 Uny獵男確有一手。
貼揀富二代
談到現任男友是否早前被拍到摸黑纏綿的 Eric（周麗淇舊愛）， Uny說：「情人節 Eric有約我，我都有應約。佢係追緊我，大家了解中啦。我一向都有唔少富二代追求，但我要搵個肯花錢喺我身上，又要錫我嘅。最近亦有個外籍王老五向我示愛，仲好靚仔。雖然只係見過三次，佢已經送咗隻 Chanel手錶俾我，又應承送四卡半鑽戒。」開宗明義要人財兩得。
26歲的 Uny最近榮升食肆老闆娘，除了是碩士生，又是新民黨成員，瓣數多多，要搵筍盤絕對唔難。不過她一向目標明確，不會亂發子彈。說到有甚麼最佳方法去分辨富二代時，她乘機為節目作宣傳。「有一集由我同唐貝詩教大家點樣分富二代真假，主要睇佢識唔識叫酒同叫餸，唔一定貴就好，要講配搭。另外 table manner都好緊要，因為呢啲嘢由細學起，冇得扮！」
Uny仲教姊妹三招吸引富二代：「第一招係眼神，要經常同對方有 eye contact。第二招係笑容，笑多啲至可以表現出自己可愛同溫柔嘅一面。第三招，係自信，要喺對方面前展示自己最自信嘅一面，咁先可以吸引人。」
蘭子投其所好
至於蘭子同樣獵仔無數，雖然有指她與利承武已婚，不過她卻不肯透露，連獨門溝仔招數也大賣關子，只肯透露節目中會教姊妹引誘筍盤的招數，又事先張揚會搵舊愛祁文傑做嘉賓。據知蘭子當年知道祁文傑是豐子愷畫迷，於是要求黃霑讓出一套豐子愷畫集，亦全靠呢套畫集成功追求到祁文傑。今次在節目中，她就身體力行教大家如何再見亦是朋友。
蘭子話：「我會教大家點樣搵筍盤，睇到對方有車有樓當然 OK，但姊妹都要用啱方法，至可以吸引自己心儀對象。我仲邀請咗祁文傑做嘉賓，佢性格非常之好，我有節目佢梗走唔甩」
溝仔最強
現年 43歲的陳淑蘭，曾多次和城中筍盤拍拖。至於 26歲的趙哲妤，入行雖短短四年，但已多次和富二代傳緋聞。
周錫明
2010年，蘭子睇中身家達 20億做建築生意的周錫明（ Simon），她更行「伯母政策」，可惜兩人最後分手。
祁文傑
98年初，蘭子主動出擊，追求由漫畫界轉行做古董買賣的祁文傑。惟兩人拍拖多年後，和平分手。
趙哲妤男友
外籍王老五
近日有傳靚仔老外瘋狂追求她，又送名錶，又應承送四卡半鑽石，向 Uny求婚。
前仁愛堂總理
09年， Uny被發現與前仁愛堂總理兼模型大王袁紹恒 Terry蜜運。
|
鍾意就快D Share啦！
|
|
|
