插圖： Wendy
揞名爆
「熟太」有個管家媽
明星奇事多，其實一班星媽都有好多估佢唔到嘅事蹟！好似 keep得好 fit嘅「熟太」咁，大家咪睇佢做戲咁放，就以為佢性格好 wild，實在此女子係聽曬阿媽話嘅乖乖女。
話說有靚太朋友同媽咪姐講，佢識「熟太」於微時，嗰時大家都係廿零歲，「熟太」仲未去選美㖭。「熟太」一開始就勁 like靚太，猛話要同佢做朋友，第二日已經主動約去 tea。點知靚太一去到間餐廳，發現「熟太」一早到咗，隔籬仲多咗個人，就係佢阿媽！ Well，靚太心裏面即時打咗個突，但都笑住坐低。又點知，阿 auntie飲咗啖茶，就開始一輪嘴查靚太嘅家宅，住邊？做咩？有幾個屋企人？屋企人做邊行？誓要完全起底！好嘞，問完曬，覺得滿意，就向個女點嚇頭，示意可以同靚太做朋友。
後尾靚太同「熟太」識耐咗，先知原來佢每識新朋友，凡事管嘅 auntie都要跟出嚟，進行一次「確認程序」，識男友搵老公更加唔使講直到依家， auntie仍然會對「熟太」所有事加意見。之但係，乜都管又點吖？千揀萬揀，最終「熟太」都係離婚收場。不如放手啦， auntie！
邊個係「熟太」？
1.無咗老公，好彩仲有仔。
2.眼大大，皮光肉滑㗎。
|
鍾意就快D Share啦！
|
|
|
