[壹週刊 1264] 撐老豆拒見八両菜 八両仔：媽咪似外人 八兩金 八兩菜 葉一霆 葉一霆,M1,

19歲

已十九歲的八両仔葉一霆，只要老豆回港停留，他上床前仍會親親 Daddy，他說這習慣由細到大從未變過，有圖為證。

探熱針

撐老豆拒見八両菜　八両仔：媽咪似外人

八両金早前公開兒子八両仔同八両菜母子團聚的照片，曬團圓結局；但不出幾日，八両菜重炮出擊；八両金被前妻數臭溝女、唔俾家用兼教唆兒子不孝，條條死罪。

被八両金湊大的八両仔企硬撐老豆，指媽咪捏造事實，暫時不想再見。

匿埋發脾氣

曾經歷過人又老、錢又冇，老婆又走佬的八両金，遭前妻突然公開鬧爆他犯三宗罪，但最難過的，是剛得回母愛三年的兒子葉一霆，失而復得的母子關係，遭母親一手摧毀。

「呢件事我都唔識處理，覺得媽咪喺呢件事上面做錯，我暫時唔想見佢住，因為我都有啲嬲，但爸爸叫我原諒佢，我諗要件事過一排先可以。」八両仔說。

據八両金說，事發後他曾致電兒子，從說話中感到他好不開心，上週六（五月二十四日）便趕返香港，當時八両仔連老豆都唔睬。

「發生三宗罪事件後，我打過電話俾媽咪，想知到底發生乜嘢事，點知講唔到幾句，佢收我線，我係有啲嬲媽咪。」在旁的八両金補充說：「我返到嚟見佢一直喺房，後來叫佢出嚟食飯，但佢連我都唔睬。」

八両仔表示，當時他正在發脾氣，亦無法處理好情緒，所以連老豆都

唔睬。

4歲

八両仔說三年前媽咪找他時，感覺仍很陌生，但經過爸爸勸諭後，終鼓起勇氣與媽咪相處，間中相約飯聚。

八両金在港助養小孩，原本帶囝囝一起去灣仔做探訪，最後孩子見不到，只能參與團體搞的活動。

八両金強調無論前妻說了什麼話，他都不會放在心，表示前妻為他生了囝囝，他好感恩。

失去母愛多年的八両仔，以為一家三口像以前般可以相聚，但因媽咪這次鬧爆 Daddy令他很傷心，暫時不想再跟她見面。

八両金直認在內地工作，有不少八、九十後的女孩當他偶像，但他從沒有非分之想，每次去玩都會將相貼上微博，以正視聽。

八両金早前已在微博上為前妻講好說話。

八両金一生大起大落，曾有樓有廠，有段時期他做自己設計的時裝生意。

去韓國旅行

跟父親生活的八両仔，提到與母親相隔十多年後難得見面，對突然爆出「三宗罪」事件，無所適從。

「第一次見面，真係冇親人嗰種感覺，始終佢走咗十幾年！媽咪送禮物俾我，但感覺係似一個外人，直至爸爸同我分析，話媽咪始終係媽咪，將來我都要養佢，我咪間中同媽咪食嚇飯，仲去咗一次韓國旅行。原本我有爸爸又有番媽咪，唔明點解又再發生咁嘅事。

「我有上網睇過外面啲人點睇呢件事，好多謝有好多網民知道誰是誰非，爸爸唔係媽咪口中講嘅人，佢有識過女朋友，亦有帶過俾我見，搵個伴我覺得冇問題，但絕對唔會做包二奶呢啲事，佢對屋企人好好，對嫲嫲一樣好，爸爸而家要返大陸做嘢，但佢會請工人又叫姑姐同我哋一齊住，方便照顧嫲嫲，佢返到香港，嫲嫲精神好，會一齊出街飲茶，又會彈琴俾嫲嫲聽，甚至坐喺床邊彈結他俾佢聽。爸爸點會唔孝順？所以我都會孝順爸爸。」

對八両仔來說，八両金是絕頂好

男人。

「媽咪走嗰陣我雖然細，但有記憶，我記得幼稚園時每日都係爸爸接送我返學，到小學，每次家長日爸爸幾忙都一定出席，即使有段時間經濟唔好，佢都想盡辦法維持我嘅生活，呢啲事我一直記喺心，錫爸爸係應該嘅。」

八両仔對八両金不論環境好壞都給他過正常小朋友生活，非常感動。

八両金不用工作，就帶著囝囝到處玩，炎炎夏日，兩父子到沙灘曬排骨。

難得八両金在港，兩父子在家食住家飯，傾嚇閒偈。

八両金道歉

八両仔從小習慣每晚和八両金親嘴後才上床，即使如今十九歲牛高馬大，習慣仍沒改變。

「佢大個咗已經唔俾我拖住佢手行街，我傷心咗好耐，我唔明點解兩父子唔可以拖住行街。」八両金仍有投訴。雖然暫時不想再見，但八両仔仍希望媽咪可以珍惜一家人，珍惜當下所擁有的一切。

八両金亦對前妻補飛說：「如果因為我出啲一家團聚相令你唔開心，我為呢件事同你講對唔住，總之我喺呢度聲明，之後如果有乜嘢報導會牽涉到你，一定問過你先。」

八両仔強調自細見爸爸很孝順，不時彈琴給嫲嫲聽，使他對彈結他也有濃厚興趣。

現主力在內地登台及接拍廣告的八両金，收入不錯。

鍾意就快D Share啦！

下一篇 》