2014年5月21日星期三

網傳越南版《還珠格格》海報網民唔敢睇：有種想哭感覺

【短片】【你敢睇嗎？】網傳越南版《還珠格格》海報網民唔敢睇：有種想哭感覺

2014-05-21 02:49:00

其他影片： >>

【你敢睇嗎？】網傳越南版《還珠格格》海報網民唔敢睇：有種想哭感覺

最近，亞視就以「殭屍」打隔離台隻「膠猴」，可惜因為呢套「殭屍神劇」，實在重播得太多次，幾乎連對白都識背咁滯，所以重播至今，只係得1點收視。

不過，亞視其實都有贏過0架！當年亞視就買咗紅遍中台嘅《還珠格格》第一、二部，有趙薇飾演小燕子，林心如飾演紫薇，仲有範冰冰、蘇有朋同張鐵林等等，嗰陣個個都跟住小燕子笑、陪住紫薇喊，搞到大台都要出動「獎門人」搶收視。

《還珠格格》咁經典嘅劇集，自然有唔少製作人想翻拍內地網站就傳出疑似係越南版《還珠格格》嘅宣傳海報。但點解小燕子、紫薇、爾康同永琪會變成咁㗎？唔係話靚唔靚嘅問題，但係完全感覺唔到原著瓊瑤嘅詩意，仲有皇上同皇後，唔使講當然係霸氣盡失

雖然係受歡迎，不過真係唔可以隨便翻拍0架嘛，早排先整咗齣印尼版嘅《來自星星的你》，點知被網友喪插，0依家又整套越南版《還珠格格》，有網友就話：「那畫面太美我不敢看！」仲有網友話：「不知道為甚麼，有種想哭的感覺。」

唔知瓊瑤姐姐睇完會有乜嘢反應呢？

不解釋 x1（新浪娛樂圖片）