2014年5月21日 星期三

[FACE 365] EXO Kris傾過英皇 英皇,吳亦凡,Kris,MF,




Kris喺廣州出世,之後跟隨媽咪移居加拿大, 07年透過 S.M. Global Audition CANADA被揀中去韓國做練習生。今年 3月佢以 EXO-M隊長身份訪港出席代言嘅美容品牌活動,估唔到呢次係佢最後以 EXO身份訪港。

FBI

EXO Kris傾過英皇

天團 EXO-M嘅隊長,加籍華人吳亦凡( Kris),上星期突然向首爾中央地方法院提出請求,要求判決與 SM公司嘅《專屬合同》無效,簡單講即係話 Kris要同 SM解約咁話。

FBI都係 K-pop迷,知道韓國大部份經理人公司對旗下藝人要求極高,唔單只要佢哋好似機械人咁日練夜練,連私生活都管得嚴過自己父母,而 Kris亦都喺訴狀中話 SM公司對待佢就好似機器零件一樣,根本唔顧佢哋意見同身體狀況,更話 SM對 Kris嘅收入分配亦有問題, Kris雖然參與大量活動,但經濟情況一直拮據,之後仲爆出 Kris原來患有心肌炎。

FBI收到風,查實 Kris自 12年 EXO出道後一直唔開心,原因都係覺得被公司剝削兼失去自由。其實上年佢已經諗過同 SM解約,甚至傾過香港嘅英皇娛樂,不過最終未成事;而離開 EXO後, Kris將會返內地發展,好大機會接拍由名製片人于正編劇嘅內地劇《宮 5》。計落 Kris先得 23歲,而且生得高大靚仔,你睇韓庚離開 SJ都好掂吖!

上週五, Kris喺 Instagram po上新留言,指自己嘅情況有如「螳臂擋車」(形容不自量力),面對韓國最大娛樂公司嘅勢力,呢場仗真係唔易打。

隊友鬧爆

Kris離隊後, Tao即喺 Instagram留言及 po上馬路相暗寸 Kris背叛 EXO。

趙大媽發功

上週四,唔少 EXO粉絲發現 Tao及 Luhan等 EXO成員喺 Instagram取消咗對 Kris嘅關注。奇就奇在當日 EXO忙於工作,點會仲得閒玩 Instagram?咁啱當日就有粉絲拍到佢哋嘅經理人「趙大媽」,拎住幾部疑似 EXO成員嘅手機喺度猛㩒,斷估取消關注應該係由 SM發功,唔關成員事。

最後騷

上週六( 11日), EXO喺上海舉行 comeback騷,當晚 Kris喺後台同隊友燦烈影合照嗰陣已顯得好冇心機。騷後 Kris亦以探屋企人為由冇隨隊返韓。



鍾意就快D Share啦!
Related Posts Plugin for WordPress, Blogger...