掃呢頁CODE去手機

2014年5月6日 星期二

【各自各精彩】房祖名「新名嫂」曝光 Fiona情迷光頭男? Fiona,房祖名,薛凱琪,




【各自各精彩】房祖名「新名嫂」曝光 Fiona情迷光頭男?

2014-05-06 18:48:00



這邊廂房祖名到台灣為盛傳失戀的老友柯震東解悶(左圖,資料圖片);那邊廂Fiona被指情陷光頭男Fergus(右圖)。

成龍之子房祖名長大後,喺父蔭下加入娛樂圈,女人緣絕對不遜色於父親,雖然祖名緋聞不斷,不過就算左右逢源,祖名都從未曾承認過有拖拍。

今日有雜誌踢爆祖名有新戀情,早前祖名去台灣陪伴疑似失戀好友柯震東,仲親自駕車接載好友到台灣士林一個釣蝦場,再會合幾位朋友釣蝦消遣,眼見柯震東愁爆扯煙隊啤。

至於現場則有位年約廿多歲,清純美少女全程喺祖名身邊,兩人不時靠肩而坐,呢位「新名嫂」衣著causal,束起馬尾,並無庸脂俗粉,祖名全程同柯震東傾偈,「新名嫂」就好識趣,冇打擾詐型,只係自己默默玩手機,間中只係同祖名班好兄弟交流下,睇嚟「新名嫂」身份地位,都獲得祖名身邊朋友接納啵。

大家離開釣蝦場後,祖名亦甚有風度為呢位新女友護航,過馬路時肉緊拉住對方手臂,有記者上前追問祖名,新女友係何方神聖時,向來對傳媒有禮嘅祖名,就一反常態,封嘴拒答。

其實祖名出道後緋聞數之不盡,早在2005年時,祖名同馬來西亞女歌手戴佩妮緋聞傳足幾年,後由女方自爆分手,打破祖名否認戀情之說。之後祖名又跟鍾欣潼、久保杏奈、葉熙祺、郭采潔等傳出緋聞,但祖名都一概否認,而為人熟識嘅就係同薛凱琪(Fiona)糾纏多年嘅一段情,直至去年兩人被拍到在同一車廂內甜蜜相對,再傳出翻撻。

至於Fiona感情生活,亦不遜色於祖名,報道指佢現時有一位穩定音樂人男友Fergus,男方係由加拿大返港,同Fiona一樣鬼聲鬼氣,份外投緣,日久生情發展為情侶。



Fiona與Fergus





祖名被指搭上清純美少女。





祖名與Fiona的戀情傳足多年。(資料圖片)



鍾意就快D Share啦!