阿澤得罪強國人被封殺 邵音音勸收聲：人哋崇拜你時你有冇感激？
2014-05-05 22:47:00
音音姐阿澤做導演呢個計劃隨時有變。(攝影：藍文浩)
亞視變陣發憤圖強，今日仲喺尖沙嘴一間酒樓同幾十個觀眾一齊睇新節目《我愛下午茶》，邵音音亦應邀出席擔任嘉賓。佢笑笑口話唔會介意節目叫自己做乜，又話家陣忙緊做舞台劇，嚟緊亦會參演彭浩翔任男主角嘅新戲。該片本來係由彭導做主角，做開主角嘅阿澤就改為擔任導演，但音音姐透露呢個開戲大計隨時有變喇。歸根究底，當然係阿澤之前同內地網民罵戰啦。
依家阿澤同阿Sa蔡卓妍主演電影《放手愛》內地票房仆直，其電影官方微博即馬上向內地觀眾獻媚，發聲明將票房失利責任推曬落阿澤度，又話佢藝德差，但究竟係冇熟讀劇本定係開工遲到呢？冇人知，因為得佢一個講曬。
內地網民繼續話杯葛，前日彭浩翔導演話明新片《人間小團圓》(即《香港仔》)喺內地上映時，係絕對唔會刪除阿澤戲份。今早彭導再於微博為部戲宣傳，招來內地網民繼續批評之聲不絕，更揚言連呢部都要杯葛罷睇。
咁家陣阿澤做導演呢個計劃分分鐘有變，有份參演嘅音音姐又點睇？佢就話:「我唔知內情，唔敢問，我覺得好多時大家講嘢都係無心，不過扯火鬧人之後可能就冇得返轉頭。我哋最大嘅老闆唔係投資者，而係買飛嘅老闆，咪俾佢鬧囉，我哋公眾人物俾人鬧係應該嘅，人哋崇拜你嘅時候你有冇感激先？應該釋懷自己嘅情緒，同有感恩嘅心，呢啲都係同阿澤講嘅。」
新戲原想阿澤做導演，彭浩翔做男主角，但依家形勢可能有變。
彭浩翔導演喺微博發聲明為阿澤護航。
就係呢篇，話唔會因為「某演員」自己嘅言行而刪走佢嘅戲份。
內地網民睇完，鬧到飛起。
就連彭導轉發Gigi喺內地宣傳相...
都係俾人鬧到爆...
音音姐都係叫阿澤要感恩
阿澤自從喺微博同強國網民開火之後，成為眼中釘。
|
鍾意就快D Share啦！
|
|
|
