2014年6月2日 星期一

劉愷威微博迎小糯米 楊冪留港剖腹誕女 劉愷威,楊冪,




劉愷威微博迎小糯米 楊冪留港剖腹誕女



其他影片:>>






楊冪留港剖腹誕6.6磅女 愷威報喜迎小糯米

劉愷威和楊冪今年一月初奉子成婚,昨天是內地兒童節,劉家媳婦楊冪順利在香港剖腹誕下6磅多重囡囡,昨午2時許,榮升父親的劉愷威急不及待在微博報喜稱:「歡迎劉家新成員!媽媽辛苦了!母女平安!感恩!祝全天下的小朋友和我家小糯米兒童節快樂。」而楊冪的爸爸也興奮的在微博中宣佈自己當外公:「我正式升級了。」

當了爺爺的劉丹,昨日趕往山頂港安醫院探望媳婦和孫女,他昨午約5時許在醫院門外接受訪問,當大眾恭喜他時,他滿臉笑容,心情大靚說 :「多謝多謝!今日出世,爭一安幾就夠7磅。個B女我覺得個嘴似阿威,我老婆就話似楊冪,不過我諗要過多一兩日,等佢個人收乾水先睇得清楚。」



■昨日誕下女兒的楊冪,聽老公劉愷威建議,把囡囡留港定居。資料圖片

愷威親剪臍帶

問他兒子有否替孫女剪臍帶?他說:「主要都係醫生剪,阿威叫做有剪一嚇,佢都緊張到手騰腳震。本來係打算順產,不過佢好痛,所以阿威同醫生商量不如開刀。阿威唔落嚟㗎喇,佢呢幾日都會喺上面同老婆住。佢老婆生完BB就梗係攰,所以呢幾個鐘頭都係瞓覺,好多個鐘頭冇食嘢,不過啲麻醉藥未過,個人未係好清醒。」

問新任爺爺昨日有沒有抱孫女?劉丹笑說:「未呀,遠觀,哈哈哈哈!望到佢……即係……好似好精靈咁,幾個鐘頭就開嚇眼,睩下睩下。」

問到劉丹首當爺爺心情?他說出見到B女已老淚縱橫:「我都唔知……我……我由產房出嚟,係我個孫女嚟㗎喎,啲眼淚水係咁標出嚟……嗰種滋味係講唔出嚟。」至於楊冪與愷威有沒有激動到哭?他點頭說:「佢哋梗係有喇,阿威話喺產房入面,臍帶一剪,佢就已經流眼淚。唔係驚血,而係感動,一個小生命就咁誕生喇。」

囡囡長住香港

至於B女乳名為何叫「小糯米」,劉丹解釋:「因為端午節前一日出世,糉係用糯米做,所以咪叫小糯米,正名等緊師傅改。」至於BB是否留在香港住?他說:「係喇係喇,都諗住長住香港,咁但係開工都要返去開工(指劉愷威兩公婆)。」劉丹妻子已為楊冪請了陪月員,幾天後她母女出院會先回老爺家暫住,以方便照顧。

此外,昨日楊冪的圈中好友唐嫣、林心如和陳法蓉都有在微博祝賀,而唐嫣更認定楊冪做親家,她在微博留言說:「恭喜親家母和親家公哇,小米米終於出來喇,我的兒媳婦哇。」

採訪、攝影:畢紹基、吳耀輝



■楊冪昨日誕下女兒, 老公劉愷威第一時間在微博公布喜訊。微博圖片



■榮升爺爺的劉丹昨午在醫院外見記者,全程笑到四萬咁口。

【壹錘定音.李慧玲】6月4日正式開咪!

收聽方法:請留意【壹錘定音】facebook專頁!

https://www.facebook.com/hammerout.hk



鍾意就快D Share啦!
Related Posts Plugin for WordPress, Blogger...