陸詩韻膠面露眼紋 冇表情
詩韻忽然殘爆 全因前男友？
陸詩韻噚日下晝出席深水埗一個舞台劇活動，雖然casual打扮化濃妝，不過就遮唔住眼
肚同繃緊嘅面容，唔知係咪同前未婚夫嘅錢債官司有關呢？
早前陸詩韻入稟高等法院，申請將前男友吳銘偉任職總裁嘅世家國際集團有限公司清盤。佢噚日回應話：「7月尾會有結果，我唔擔心，會公平公正去處理。」佢又話同前男友已經再冇聯絡，一切交由律師同法官處理，佢仲話：「之前太投入段感情，冇好好保護自己，所以將來就算結婚，我要財政獨立，（見過鬼怕黑？）一個經歷，但我仍然相信愛情。」
34歲都未夠嘅陸詩韻都可以算話係感情運麻麻，曾經同曾文能、林柄昌傳過緋聞，不過段段感情都冇開花結果。今次曾經公開承認對方係未婚夫，不過最後婚結唔成之餘仲要因為擔保公司而被追70幾萬債，真係唔怪得謝皮謝到眼紋盡出，面又膠喇。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk
|
鍾意就快D Share啦！
|
|
|
