全城熱爆的娛樂八封新聞 & 時事趣聞 & 生活 + 趣聞
Coffee露出「不大自然」笑容對圍問記者話：「只怪自己太小朋友唔識處理呢次事件，依家一切已解決曬，好多謝公司 6年嚟栽培。」都幾識講嘢
Coffee林芊妤爆發殘廁事件後，形象插水之餘，亦面臨被炒，不過佢好似冇有怕咁。原本大台嘅樂大媽（樂易玲）約佢周二（ 1號）返去「照肺」，佢以病為由，自行改期到周三（ 2號）先傾喎﹗
當日， Coffee點零鐘出現喺大台，入咗去大約兩個幾鐘。結果如佢之前所料，收咗「大信封」。而 Coffee對被解約一事，表現從容，仲話經一事、長一智，一切誤會雲雲。之後跳上的士開始帶記者「遊車河」。
Coffee帶記者遊「車河」，先到西貢兜一轉，再去深圳灣口岸，之後 call埋警察，結果又俾佢成功走甩。
Coffe喺微博貼咗一張相，仲有一行字，內容似有暗寸樂大媽之嫌。果然夠吉士。
樂易玲對 Coffee殘廁事件反應激烈，言下之意，「此人」非炒不可。
