掃呢頁CODE去手機

2014年7月4日 星期五

[忽然1周 988] 黃夏蕙「死」都要玩 夏蕙,黃夏蕙,MW,




夏蕙姨因綵排慈善騷搞到入院,仲一度誤傳死訊,搞到大家差啲以為冇得再睇夏蕙 BB黃大仙上頭炷香㖭。

媽咪姐

黃夏蕙「死」都要玩

夏蕙姨喺星期一( 30日)宣布自己於 7月舉行嘅「生前喪禮」會點搞,今次嘅搞手呂校長(創意通識聯盟)猛讚夏蕙姨夠前衞。事關原本聯絡好多後生又當紅嘅藝人參與,但個個都耍手擰頭話棹忌唔肯應承。

為乜八十幾歲嘅夏蕙姨又唔怕大吉利是?佢話係因為有意義喎!「呂校長話,佢啲學生怕考試唔合格猛嗌想死,男女朋友嗌分手又想死,總之乜都叫死。我唔怕死,最怕好似上次咁突然昏迷入醫院,乜都未安排好就死咗。今次想趁呢個活動令年輕人諗清楚死亡嘅真正含義係乜。」

夏蕙姨仲話佢會出自傳、搞生前喪禮,做曬所有自己想做嘅,先至坦然面對死亡。嗯,夏蕙姨連「身後事」都搞埋,下次可能要上太空先掂喎!

夏蕙姨由呂校長陪住開記招,一班傳媒話唔可以祝佢搞成葬禮,只可以祝佢事事順利,夏蕙姨即時大笑!



鍾意就快D Share啦!