2014年7月4日 星期五

[忽然1周 988] 唔撐霆鋒拒見拉姑 栢芝挾兩子玩嘢 拉姑,謝霆鋒,霆鋒,狄波拉,MW,




寧約 Baby濕平

6月 19日秘密返港的栢芝,沒有約前夫一家,反而約 Angelababy去 IFC連卡佛濕平買包包,發現記者後,二人行動一致擰歪面,不回應任何問題。

滾熱辣

唔撐霆鋒拒見拉姑 栢芝挾兩子玩嘢

張栢芝與謝霆鋒離婚後,攜兩子 Lucas及 Quintus移居新加坡,三母子多姿多采生活仍不時被上載微博。性格剛烈的栢芝,除偶有跟霆鋒聯絡外,跟前夫家人如同陌路。

上月 19日晚,栢芝秘密帶兩子返港放暑假,原定應承霆鋒周日( 29日)讓兩個寶貝仔到維園撐他整雞蛋仔破紀錄,同時見四哥拉姑,最終栢芝甩底冇影。見孫希望再次落空,拉姑已不像以往般激動,反而對本刊記者無奈苦笑說:「約?不如你幫我約佢!」








近年鋒芝二人生活迥異,各有各忙。栢芝帶兩子 Lucas及 Quintus定居星洲過新生活,閒時踩板滑浪、做義工;霆鋒則專注拍戲、搞生意及上節目做大廚。

畢竟,霆鋒始終是兩子之父,他和前妻栢芝偶有聯絡,亦不時「合體」湊仔,更有指栢芝有心復合,反而對前奶奶拉姑,栢芝則一直避得就避。

栢芝咁得閒周圍去都唔帶囝囝見嫲嫲,難怪拉姑嬲到爆。

近日 Lucas及 Quintus返港放暑假,日前栢芝就帶他們玩角色扮演遊戲扮消防員。據知他們三母子下月才返星洲開學,未知呢段時間拉姑有冇機會見兩粒孫呢?

Lucas新髮型

上周二( 24日)晚,栢芝又攜兩子去尖沙嘴利時探黃德斌女友 Joyce,順道幫襯對方買包包。只見 Lucas剪了潮髮型,並與細佬 Quintus在時裝店內玩玩具車。

栢芝稱病甩底

上月 19日淩晨,栢芝秘密帶 Lucas和 Quintus返港放為期近兩個月的暑假。難得兩個寶貝孫返港,收到風的拉姑即萬分雀躍,為見孫即向霆鋒獻計。知情人透露:「啱啱過咗嘅星期日( 29日),霆鋒喺維園錄內地飲食節目《十二道鋒味》,拉姑好想叫埋兩個孫去,名義上幫爸爸打氣,實則就梗係恨見孫啦。佢仲同霆鋒講,話個節目如果有三代同堂出現,一定好好睇。」

拉姑開到聲,做仔的霆鋒不敢怠慢,即時聯絡前妻。栢芝最初未有落實出席維園騷,但表示會考慮,令拉姑和四哥抱有希望。知情人續說:「嗰日中午,我哋見拉姑同四哥一早嚟到後台,仲問阿仔(霆鋒)有冇嘢幫手,似乎心情唔錯。不過到錄影前半個鐘,阿仔收到栢芝 WhatsApp,話 Quintus唔舒服唔嚟得。拉姑知道後個面口即時變曬,全程匿喺後台,而四哥就口噏噏好似鬧人咁款。講真吖,拉姑同四哥平時好少合體現身撐阿仔做嘢,今次好明顯都係為咗兩個孫,先日曬雨淋都照嚟。」

前妻冇影特首突襲

周日( 29日),霆鋒在維園創下三千多人齊整雞蛋仔的世界紀錄。老友 Eason再忙也去支持兄弟,但說好的栢芝則冇影,反而一直未有落實會出席的特首梁振英竟然有來,但卻飽受圍觀群眾怒噓。

本來心情算好的霆鋒,一聽到記者提「栢芝」後,便黑面說:「唔講呢啲!」似乎他與栢芝的關係未如想像中好。

拉姑嬲爆閉關

拉姑日前出席活動時,被本刊問到栢芝拒絕帶孫出現時,無奈表示:「今日唔好講呢啲,不如你幫我約佢!」明曬。

栢芝今次回港後,霆鋒鍥而不捨遊說栢芝帶兩個仔見兩老,然而栢芝耍拖字訣。拉姑見孫始終不得要領,嬲到火燒心,日前單拖出席活動時,起初談及女兒婷婷的新男友 Sean時仍有笑容,一問到有冇約回港放暑假嘅栢芝及孫仔時,拉姑即面有難色,並苦笑謂:「約?不如你幫我約佢!今日咁開心唔好講呢啲!」比起以往冇得見孫的激動情緒,無計可施的拉姑,言語間顯得心死絕望。

拉姑四哥不悅

拉姑得知栢芝臨時甩底後,難掩不悅之色,一直匿在後台的帳篷發吽哣。

向來躁爆的四哥,即使有女伴在身旁,依然面燶燶,不時口噏噏似在鬧人。

諸多推搪

上周五( 27日)中午,栢芝駕駛 Range Rover四驅車載著兩子在中環交易廣場對出發生交通意外,撞向前行的士,只得 7歲半的 Lucas則坐司機旁的乘客位。

栢芝和拉姑的「婆媳」關係惡劣,其實非一日之寒。初歸新抱的栢芝,因霆鋒關係,表面上曾對拉姑言聽計從,直到拉姑指栢芝外家成員品流複雜,要她疏遠親人開始,二人婆媳關係轉趨惡化。栢芝和霆鋒離婚後,栢芝一怒之下帶兩子定居加拿大。後來有傳傾掂數,她才帶兩子轉往新加坡讀書,方便見面。但據知每次拉姑致電約見孫仔,栢芝都推卻。「以前拉姑隔三幾日就飛曼谷還神,自從兩個孫去咗新加坡後,拉姑本想將去曼谷嘅時間用嚟探孫仔,加上 Kong哥(拉姑丈夫)新加坡有屋,方便好多。不過拉姑每次打親俾栢芝,佢都推嘅,一時話 Lucas要補習,一係就 Quintus有嘢學……總之十萬個藉口!」拉姑身邊人透露。

面對拉姑,栢芝就話唔得閒,但記者近日在其微博中,發現她回港後卻帶著兩子四圍約朋友。上周二( 24日),她便在微博上載帶兩子到尖沙嘴利時商場黃德斌女友 Joyce所開的時裝店濕平。只見 Lucas及 Quintus在店內玩玩具車,十分開心。而日前她又約 Angelababy到 ifc嘆茶,更豪氣買了數萬元包包。見到記者拍照,她還無厘頭說:「你都係行開少少,我哋身份好尷尬。」

大懵又炒車

回港後多多節目的栢芝,上周五( 27日)中午,駕駛其 Range Rover四驅車載兩子途經中環時,不小心撞向前行的士。該名的士司機更報稱扭傷頸,要報警求助,最後送院驗傷。有傳栢芝最終賠錢了事,但試過唔止一次撞車的她,今次車上更載有 Lucas和 Quintus,若然被嫲嫲爺爺知道,肯定嚇破膽。

栢芝回港後,除喜歡揸 Range Rover載兩個仔四圍去,亦經常揸其摯愛 Mini Cooper遊車河。

栢芝和 Baby忽然老友,至於前夫霆鋒亦與 Baby十分友好,早前更預埋對方做《十二道鋒味》澳門站嘉賓。

慣性炒車

圖片

入行後試過不下一次撞車的栢芝, 03年在銅鑼灣出席完首映後不久,她自駕 Mini Cooper與報紙記者採訪車互撞,報警解決。

霸氣新抱

性格火爆的張栢芝由結婚到離婚一直處於強勢位置,與霆鋒離婚後,她霸佔兩兒子,不讓拉姑四哥見孫仔,令霆鋒成為磨心。

謝絕婆孫見面

栢芝未與霆鋒離婚時,雖與拉姑不和,但為了不讓霆鋒難做,亦會做足門面工夫,經常帶兩子見嫲嫲。但搞離婚時,栢芝與霆鋒談判當日,她只安排女方親友為 Lucas慶祝生日,四哥拉姑未被邀請到場。

帶仔遠走避見

栢芝眼見復合無望,帶同兩子到溫哥華移民落戶。拉姑因為孫仔要搬到「無雷公咁遠」而一度情緒低落。霆鋒最終和栢芝傾掂數,讓他們移至較近機程的新加坡,讓爺爺嫲嫲較易與孫仔見面。

霆鋒百般遷就

離婚後,栢芝一直堅持「要錢又要仔」,謝家上下要睇仔探孫,都要先問過栢芝同意。所以霆鋒即使幾忙都好,仍堅持抽空帶兩子出外,享天倫之樂。



鍾意就快D Share啦!
Related Posts Plugin for WordPress, Blogger...