2014年7月16日 星期三

[FACE 373] 靠自己 樂大媽狂抦 殘廁 Coffee甩大台接騷冧客 Coffee,林芊妤,MF,




Coffee被大台炒魷後,即刻有人搵佢做騷,輕輕鬆鬆唱 2首歌已經袋兩萬入袋,好過以前多多聲啦。

真面目

靠自己 樂大媽狂抦 殘廁 Coffee甩大台接騷冧客

因「殘廁 gathering」成為新聞人物嘅 Coffee林芊妤,事發後一直潛水避風頭,直至月初終蒲頭返無綫「被解約」。

做戲做全套,其實無綫一早準備解約書,不過 Coffee就呆等半粒鐘先入到房,隨身物品一律唔畀跟身以防拍照錄音,之後樂大媽先放心狂抦 30分鐘,臨走前仲叮囑 Coffee要小心講嘢添!

馬死落地行,離開大台嘅 Coffee除教瑜伽外,連出騷賺錢嘅機會都多咗。上週三( 9日), Coffee以嘉賓身份出席一間建築公司嘅周年晚會,比起同場嘅馬賽更受歡迎喎!



其他影片:>>coffee講樂大媽






週日( 13日), Coffee出席商場世界盃活動,仲即席示範高難度動作,話晒開正自己最叻嗰瓣,梗係搏到盡

據知,本月 2日 Coffee被召返無綫,最初安排到藝員主管辦公室等候,呆等 30分鐘先轉到樂大媽辦公室,之後有人拋下一句︰「啲袋呀、電話放低先入去。」隨身物品一律冇得跟身;而房內除樂大媽外,仲有一位合約部主管, 30分鐘對話其實訓話多過傾談,全程被抦被訓話的 Coffee,臨走前仲得到樂大媽「溫馨提示」,示意她面對傳媒記得慎言。

「樂小姐叫我醒目啲」

塞翁失馬,殘廁事件間接令 Coffee多人識,工作量更勝以前。上週三( 9日), Coffee以嘉賓身份出席一間建築公司晚會,同場有「純純兔」馬賽同大隻仔溫家偉,分別擔任司儀同抽獎嘉賓,但 Coffee就最架勢,分別唱咗〈明目張膽〉和〈至少還有你〉,冧到台下老闆個個見牙唔見眼,反應明顯比馬賽好。活動結束時, Coffee亦好識做再一次同老闆道別和合照。

本刊上前追訪, Coffee說:「心情好番啲啦,出事以嚟第一次係公開場合見大家,有好多人鼓勵我,叫我加油。(同樂小姐見面點?)佢有鼓勵、安慰我,都知唔關我事!(有冇鬧你?)佢以長輩身份畀啲建議我,叫我醒目啲,唔好再成日咁小朋友囉!」醒目啲揀廁所去呀!

馬賽失威

當晚同場有馬賽同溫家偉,但只有 Coffee可以表演唱歌,邊個重要啲?有眼睇

交足戲

Coffee唱唱吓歌走落台玩遊戲送禮物,真係好鬼識做!

未散場,馬賽都已經唔見影,但 Coffee就留到尾,見到公司老闆仲雙手合十鞠晒躬。

Coffee喺大台做足 6年,換來炒魷下場,樂大媽仲話已經盡最大能力,先幫佢爭取到 6個月的「恩恤金」,共二萬四,走兩場騷都多過《蘋果日報》圖片



鍾意就快D Share啦!
Related Posts Plugin for WordPress, Blogger...