[FACE 373] 熱門私相 伴遊黃百鳴 港姐大熱純版栢芝(Sabrina 楊埕)布吉晒水着 楊埕,Sabrina,黃百鳴,張栢芝,栢芝,港姐,MF,

兩次面試 Sabrina都相當密實，但原來身材都相當不俗。去年同朋友去泰國渡假，便着上比堅尼大晒蜜桃胸。網上圖片

真面目

熱門私相　伴遊黃百鳴　港姐大熱純版栢芝布吉晒水着

港姐個朵愈來愈唔吸引，大台今年出動到利誘引靚女參加。

今年大台鼓勵出賣朋友，邊個做提名人，而該佳麗又成功晉身 16強，提名人就有 16萬現金獎。重賞之下必有勇夫，上星期五港姐進行第 2輪面試，就發現有幾位質素唔錯的佳麗現身，最突出的，是被封「清純版栢芝」的 Sabrina（楊埕）。本刊發現，賣 pure的 Sabrina來頭原來唔簡單。 Sabrina雖然只係 model仔，又不時在 Instagram晒水着靚相，但竟然可以與天馬娛樂老闆黃百鳴同車上廣州，更叫對方百鳴哥哥。有黃百鳴撐腰，楊埕未選已贏氣勢。

Sabrina識冧人

港姐上星期五（ 11日）進行第 2輪面試， 70位面試佳麗齊集港鐵康城站等專車安排到電視城面試，當中以「清純柏芝」 Sabrina最搶。本刊找到 Sabrina私人 ig，原來 Sabrina中文名叫楊埕，選港姐前英文名為 Divi，屬框格音樂事務旗下藝人，公司藝人仲有鄭敬基、郭秀雲等。平時做開 model的楊埕，雖然冇知名度，但憑標緻樣貌，亦得到唔少 model工作。由 Sabrina的 ig睇到，她的生活都頗富貴，經常跟朋友旅行。 Sabrina亦拍過電影《重口味》，更識冧老闆。今年 5月於國內出席一個名為「沉香王國」活動，活動上擔任 model的 Sabrina，大合照時正正企在天馬娛樂老闆黃百鳴身旁。之前亦試過與黃老闆同車上廣州。有影壇大亨撐腰， Sabrina未選已跑出。

港姐進行了兩輪面試，暫時以楊埕（ Sabrina）質素最高。 Sabrina身高約 165cm，皮膚白滑，輪廓分明，絕對跑贏其他面試佳麗。呢日佢手持約 3千多元的 Furla手袋及連卡佛紙袋，甚有星味。

今年 5月， Sabrina上廣州工作，仲同黃百鳴同車， Sabrina之後 po 2人合照上 ig晒命。網上圖片

Sabrina咁靚女自然多兵埋身，不過就成日同呢位俊男一齊，唔通係男友？網上圖片

Sabrina除咗事業綫外，亦擁有白滑長腿。網上圖片

楊埕做 model，亦有為電影客串，拍過《重口味》，當然爭取機會同唯唯集郵。網上圖片

Janice愛騷胸

港姐去到第二輪面試，暫時以「清純柏芝」楊埕最搶，雖然名字與外形甚有強國味，不過今年亦有唔少高質素海外佳麗參選，其中以在悉尼讀書的 Janice最索。 Janice ig內有不少水著相盡顯其「 S」身形及鬼妹仔性格。但要入選港姐，似乎要收歛少少先得喎。

除咗楊埕省鏡外，呢位甚有星味嘅佳麗叫 Janice，係澳洲悉尼學生，面試當日一身星 look，睇嚟好有信心喎。

竹星妹 ig都特別豪放啲！喺 Janice ig不時見到佢騷事業綫。網上圖片

三點式係 Janice最愛，喺佢 ig經常見佢喺沙灘騷身材。網上圖片

質素參差

贏得港姐後，好多時都要留喺大台捱騾仔，所以近年都少咗靚女參加，今年大台以銀彈攻勢，希望吸引更多靚女報名。就兩日面試所見，質素叫不過不失。有靚嘅，當然都有唔少件豬扒

古銅千頌伊

呢位打扮甚似千頌伊的佳麗名叫 Elsa。 Elsa面對傳媒拍照時相當有信心，分分鐘黑馬跑出。

累敗累戰

十足自由行旅客的羅頌欣，其實於 08年參加過港姐但落選，不過睇佢狀態應該都係再度落選居多。

'08選過

大嬸陪跑

提名有錢送，除咗吸引靚女外，樣貌平凡，打扮騎呢似大嬸的佳麗仲多。當日有 70位佳麗進行第 2輪面試，大台會選出 20個入圍。一眾佳麗最遲週四（ 17日）獲得通知。

鍾意就快D Share啦！

下一篇 》