【短片】【「房東」涉毒】祖名14號被捕 成龍一早知情
2014-08-19 17:20:00
房祖名同柯震東捲入毒網，一對好兄弟嘅前途同友情皆備受考驗，也有傳柯震東係因為同蕭亞軒分手而吸食大麻。
據內地傳媒報道，祖名同柯震東於本月14日於北京被捕，事發前一日係柯父柯義宏生日，柯家一齊去咗內蒙古旅行慶祝後，家人返回台灣，佢就去咗北京，結果一連幾日失去聯絡，結果卻接到兒子被捕消息。
至於成龍，喺祖名被捕之時，正身在倫敦宣傳電影《十二生肖》，返港後仲出席古巨基生日會。有內地傳媒指成龍當時完全唔知兒子已經出事，故心痛之餘即飛往北京營救。咁樣亦一併澄清埋，成龍並未有運用其影響力令事件唔好曝光。
之不過，根據本報收到消息，指由於林鳳嬌一直身在北京，而且同祖名同住被揭藏有大麻嘅北京Naga上院，故祖名突然「失蹤」，林鳳嬌焉有不知之理。林鳳嬌既是一早就知，相信當日身在古巨基生日派對上嘅成龍，亦理應已經知情。
成龍之前到倫敦宣傳電影《十二生肖》(右圖)，再返港出席古巨基生日會(左圖)，內地消息指成龍一直不知情，但本報收到消息卻指成龍早已從獲悉此事。
|
鍾意就快D Share啦！
|
|
|
