「我好鍾意重口味」 Sammi俾家輝硬咀4次
電影《失戀急讓》前晚在金鐘舉行首映禮，男女主角張家輝和鄭秀文（Sammi），導演卓韻芝，葉劉淑儀、施南生和俞琤都有出席。張家輝跟Sammi合照時，表現生硬，他解釋說：「冇啦，我呢啲影相，梗係要扮有紳士風度，好有禮節咁。」之後他提議再影一些表現狂野的合照，二人埋位即刻扮咀，最後徇眾要求，張家輝連咀Sammi的面多達4次。
■張家輝徇眾要求連續親吻Sammi面4次，表情好生硬。攝影：陳順禎
安仔輔導唔怕抑鬱
張家輝表示跟Sammi素有緣份，而且好有感覺，所以二人想再度合作，Sammi說：「我就好鍾意重口味，雖然我個樣好斯文好優雅，不過我想做啲有爭議性，超乎想像嘅電影，想做啲心理有問題有缺憾嘅角色。」演出重口味角色，會不會擔心心理負荷過大，導致抑鬱症復發？她說：「唔會再因為一個角色而病，之前都唔係抽離唔到，唔關《長恨歌》事，𠵱家識得處理情緒，有咗信仰好好多。」有記者取笑Sammi指家中有許志安作心理輔導，Sammi甜笑回應：「你都有啲道理。」
■《失戀急讓》前晚在金鐘舉行首映禮，俞琤、施南生、葉劉淑儀都有出席。
■今天生日的Sammi（中）昨日獲張家輝（右二）送上鑰匙造型蛋糕。
Sammi下個月到英國拍電影版《衝上雲霄》，12月開個人演唱會，既然Sammi和家輝好有感覺，何不演唱會先合作，二人更可以在台上鬥騷肌？Sammi說：「之前演唱會已經好大隻，個個都畀意見我，話我手臂太大似男人，所以今次就會適可而止。同埋佢（家輝）唔係好識享受喺舞台上，不過都會邀請佢嚟睇。」
另外，張家輝和Sammi昨日再馬不停蹄到北京出席《失戀急讓》首映禮，今日是Sammi生日，張家輝特別為Sammi準備鑰匙造型的生日蛋糕，現場Sammi分享自己對同居的看法，她笑說：「要懂得分享，空間被佔了一半，會很擠，馬桶也會很忙吧！」
採訪：盧妹
■張家輝和Sammi（中）異口同聲表示合作時很有感覺，不排除會再度合作。
|
鍾意就快D Share啦！
|
|
|
