【「房東」涉毒】或勒戒兩個月 柯震東吸毒涉刑責 返台手尾長
2014-08-19 16:31:00
台灣法務部長羅瑩雪(右)
曾是法務部反毒代言人之一嘅柯震東，本月14日喺北京吸毒被捕。台灣法務部長羅瑩雪今日接受台灣傳媒訪問時表示，對於柯震東涉毒，表示覺得好遺憾，又表示以後法務部揀選代言人嘅時候要謹慎，至於柯震東嗰條宣傳片亦已經下架。
羅瑩雪指出，柯震東嘅情況，要等北京方面提供資料，先可以研究判刑，但佢就強調謂「柯震東的情形應該勒戒」。
羅瑩雪並謂，柯震東形象清新，竟然涉毒禍，由此反映出毒品問題非常嚴重。
另，台灣法律界人士指出，依照台灣法例，喺內地吸毒只處行政罰，不涉刑事責任，但喺台灣就有刑事責任問題。轄區檢警單位將於柯震東回台後展開調查，若確定吸食嘅係第二級毒品，即大麻，初犯將送請法院裁定觀察勒戒，最短四十天，最長兩個月。
柯震東有份拍呢條法務部教育部反毒宣傳片，已被抽起。
那些年…
|
鍾意就快D Share啦！
|
|
|
