同魚檔老細一齊睇即時新聞，發嫂睇到皺晒眉頭。
同你吟一吟
叫發哥選特首 魚佬俾發嫂開拖
擔心佔中學生同市民人身安全，唔少不談政治嘅大星，好似劉華、 Sammi，亦陸續發聲，希望事件可以和平解決，當然仲有同劉華一樣，俾人話係民間特首嘅發哥，至於民間特首夫人發嫂，去到街市買餸，亦俾魚檔老闆捉住，一齊睇即時新聞，跟進佔中情況。
魚檔老闆：「發哥係民間特首，你（指發嫂）叫佢去參選特首」
發嫂即刻起手，打咗魚檔老闆一下：「哎吔！唔好搞我！」
本來，香港安定繁榮，香港人生活，只係搵錢買樓為本，但當大家返到屋企開電視，睇到一幕幕令你心痛又心寒嘅社會衝突，事到如今，無論係响街市賣魚、做清潔阿嬸……其實，已經唔可能完全置身事外，包括同林峯對千語 BB一樣，好愛好愛好愛好愛好愛好愛好愛香港嘅在下。
|
鍾意就快D Share啦！
|
|
|
