2014年10月9日 星期四

[壹週刊 1283] 他信英祿香港自由行 M1,




他信係香港常客,今次仲有細妹英祿(箭嘴),一行十幾人行圓方買名牌。

同你吟一吟

他信英祿香港自由行

今年 5月下台嘅泰國看守總理英祿,上兩個月去完法國探 08年因為貪污罪成,要流亡海外嘅哥哥他信,轉個頭,兩兄妹又蒲頭香港自由行。當日連同保鏢,仲有翻譯一行十幾人喺圓方瘋狂購物。

就算因為貪污,家族一度被凍結 760億泰銖資產,但掃貨唔使手軟,單係一間 Gucci,已經兩大個紙袋。

他信發現《壹》仔後,禮貌走上前笑晒打招呼,佢身邊個男保鏢亦好有禮貌,講泰文叫唔好影。明知雞同鴨講,同行廣東話翻譯於是問《壹》仔:「你係咪記者?可唔可以唔拍片,只係影相?啲片可唔可以俾我哋留念?」

他信唔怕上鏡,但細妹英祿仲有一串手尾跟身,唔想再添麻煩,所以他信唔理《壹》仔咁多,係咁推住英祿要佢行快兩步,避之則吉。

發現《壹》仔,英祿八卦係咁望,但他信就醒爆,推個妹向前行。

三個黑西裝保鏢陪英祿 shopping,行 Gucci,兩大袋走。



鍾意就快D Share啦!
Related Posts Plugin for WordPress, Blogger...