掃呢頁CODE去手機

2014年10月9日 星期四

[FACE 385] 高 Ling連詩雅街頭女神 連詩雅,MF,




高 Ling返屋企換過套超薄紅色長裙再落街,去完自由行集中地嘅化妝品店,再去㩒錢兼交電話費。

全知言

高 Ling連詩雅街頭女神

雖然話家陣藝人收入大不如前,不過有啲嘢真係要避忌吓,尤其想做新紮女神嗰批,更加要小心選擇出沒地區。

好似有巴打勁 like嘅高海寧同連詩雅咁,全知言早排就分別喺 MK同灣仔見過佢哋,高海寧着條紅色半透長裙行勻成個 MK,先買衫再買化妝品十足自由行,而連詩雅就去咗灣仔街邊檔配匙,之後返咗銅鑼灣舊樓屋企,同佢嘅靚靚造型完全唔夾!

唔係話女神唔可以買 cheap嘢,不過你有冇見過舒淇去 MK買 Nike先?親民定 cheap,你懂的!

高 Ling條紅色裙 pet pet位又薄又貼,沿途唔少人望。

未落 MK前,高 Ling先揸車去九龍城買米粉, 10幾蚊包嘅米粉都左揀右揀。

終於被人認出,睇真啲高 Ling,落街都化重妝㗎!

雖然連詩雅工作量算多,不過仍然係住喺銅鑼灣舊樓,慳家得嚟,證明佢冇副業囉!

着到靚靚兼化行妝嘅連詩雅,唔介意企喺灣仔街邊配匙嘅兼周街數銀紙。



鍾意就快D Share啦!