掃呢頁CODE去手機

2014年10月9日 星期四

[FACE 385] 港大妹英語求救:警察搵食就埋沒良心! MF,




「佔鐘」以來都冇乜笑過的阿 Bi現在港大讀書,她說自從接觸社運之後,對政府非常失望:「將來我應該唔會從政,呢個政府唔改變嘅話,政府工我都唔會做喇!」

爆 Like王

港大妹英語求救:警察搵食就埋沒良心!

928並非香港歷史最黑暗的一天,而是最黑暗的開始!有誰想過?警方竟然向和平集會的學生施放催淚彈,導致香港街頭烽煙四起,尤如戰場。

當日硬食催淚煙的阿 Bi,即時仿效「烏克蘭少女」拍成短片,以流利英語呼籲國際社會關注事件,成功引起國際注視,點擊率過 120萬,更被翻譯成多國語言、 CNN採訪。

其實這名「求救港少女」阿 Bi是港大文學院 yr 1學生,只得 18歲,除拍片外,更上台直斥惡警罪行,咪當九十後真係冇腦!

F:點解會仿效「烏克蘭少女」拍呢條短片呢?

B:嗰日中咗催淚彈之後,朋友提議拍條片,其實係想做番同樣嘅嘢,因為兩個地方都係有好大嘅國家,俄羅斯想吞併烏克蘭,我哋就係叫融合啦,但我覺得兩地都有自己文化,而同大國又有唔同嘅文化背景,冇可能夾硬就融合。

我想多啲人知道香港呢個示威一啲都唔暴力,根本冇需要用催淚彈或者防暴警察去對付我哋,同埋想多啲人知道香港𠵱家係關鍵時刻,要靠多啲國家對政府施壓,咁至有機會真普選囉!

烏克蘭少女

網上圖片

《 Please help Hong Kong》

網上圖片

F:香港回歸時你得一歲,有冇了解過英國統治香港嘅歷史?

曾參與多次民主運動,阿 Bi認為政府愈嚟愈差:「 03年七一大遊行,政府都會聽下訴求,但去到普選,之前公投有好多人投票,但政府當冇事發生,唔尊重民意!」

B:有讀西史、有讀香港政制,知道英國統治時,華人地位好低,到六、七十年代,英國政府至放手俾香港人去管理番,到(港督)彭定康好想有全面直選,但中央唔肯,但彭定康臨走前盡量加咗幾個直選議席,可能英國唔係想俾香港人民主,而係想便利管治,但起碼好過𠵱家,連俾都唔肯俾。我覺得一國兩制唔只應該 50年不變,係應該以後都不變!

F:警方射催淚彈當日你做緊乜?

阿 Bi是「熱血公民教育」主持人,訪問過藝人如李佳芯。又站台指責警方使用過份武力,呼籲有良知的警員辭職。

B:我喺物資站幫緊手,聽到有人中胡椒噴霧,過咗一陣見到警察舉黑旗,一秒鐘,就發射第一粒催淚彈,喺我面前廿幾呎(爆開),開始煙霧瀰漫,攞口罩都趕唔切,係咁咳,喉嚨好痛,嗰刻好驚,但因為急救站有啲人,要扶咗佢哋走開先,要迫自己冷靜,然後幫人淋水,等煙散咗再行番埋去。警察咁做我哋更加嬲,更加唔願意走,更加多人走出嚟。

F:所以你事後站台鬧警方?

阿 Bi說政府施放催淚彈後,市民是自發佔領,並無主事大會,政府不能夠講服大會就解決事件,所以政府要令幾萬人滿意,必需作出更多讓步。

《蘋果日報》圖片

B:「非不能實不為也」,唔係出賣良心至搵到錢,同埋「謀道不謀食」係好重要,唔可以因為你要搵食就埋沒良心;我哋示威者冇做過好過火嘅嘢,但警方好過份,警察宣誓過保護市民,唔可以咁;「紐倫堡條約」都講,佢哋可能干犯咗戰爭罪行!

F:家人支唔支持你繼續參加集會?

B:屋企人都支持,但會擔心我安全,同我講唔好企咁前呀,小心啲呀!爸爸媽媽都係支持民主運動同遊行,食飯時都會討論吓,教我睇事物唔可以靠自己情緒就下判斷,一定要睇清楚,要理性去諗嘢!



鍾意就快D Share啦!