已同麥曦茵解約的王敏奕，暫時以自由身工作，據知下一步將轉投曾志偉旗下。
真面目
飲水思源 黐曾志偉 王敏奕賣甩恩師經理人
今年憑師奶劇《 M Club》飾演「少女李麗珍」上位的 22歲王敏奕，爆紅後接 job接到手軟，除了廣告湧埋身，電影亦一套接一套，山雞變鳳凰。
王敏奕去年才與相識多年的恩師導演麥曦茵簽約，其後被揭與曾志偉兒子曾國祥拍拖，男友及「未來老爺」的人脈關係愈黐愈紅，最近驚爆與恩師麥曦茵解約，男友現屬 Paco的太陽娛樂、而曾志偉又剛自組一間娛樂公司，王敏奕大把後路。
自從 13年簽約麥曦茵旗下，王敏奕雖然產量唔少，但拍來拍去只屬《囡囡》、《超級經理人》等電影，以及一系列港台劇，一直爆唔起。直至在《 M Club》飾演「少女李麗珍」，一口鄉音超班演技加標緻五官，成功入屋。
助手認解約
突然跑出，王敏奕的工作接到冇停手，身價及收入亦直線上升。搵錢能力大增，又有男友曾國祥和曾志偉照住，早前同杜汶澤一齊去馬來西亞拍的《麻雀王》，亦是志偉負責搵演員，擺明益自己友。
「未來老爺」曾志偉新開的娛樂公司《愛．好娛樂》正招兵買馬，據知王敏奕去馬來西亞拍戲回港後，與助手齊齊向麥曦茵攤牌。為免被指反骨，王敏奕助手阿樂向本刊解釋，「 Venus（王敏奕）返香港後，麥曦茵同佢講嚟緊要開兩套戲，冇時間搞 management，所以就咁分開咗，係和平分開嘅。」
麥曦茵︰我冇爭人嘢！
與麥曦茵簽約時，王敏奕只屬一間蚊型模特兒公司，工作少之有少，提出解約時對方要求 5位數贖身費，當時要養家的王敏奕唔夠錢，唯有向好友麥曦茵借，後來更搵埋麥導做經理人。而麥曦茵有份拍的《囡囡》、《超級經理人》都會預埋王敏奕，早前亦搵王敏奕擔正微電影《曖昧不明關係研究學會》。
本週一（ 6日），麥曦茵接受本刊電話訪問時，煞有介事表示唔想回應，「我唔想再講佢（王敏奕）嘅嘢，唔想牽涉入去。」但收線後 1分鐘，麥曦茵又主動來電，她說︰「我要強調，我冇爭人嘢！亦冇收取任何得益！其他嘢唔回應喇！」句句有骨，似乎麥曦茵成肚火喎！
黃山怡（糖妹）：剛推出新碟《哎呀！男友》，又與黃淑儀兒子徐肇平到澳洲拍微電影。
王敏奕：拍完電影《麻雀王》，即將再同杜汶澤拍新戲《兵》。
吳嘉熙 Cheronna： 11月會與 Super Girls其他成員演出舞台劇《 Musilove世人樂章》。
賴慰玲：在大台劇《梟雄》中飾演黃秋生妹妹，現時主力拍劇。
陳嘉寶 Anjaylia：在 J2台主持行山節目《山系女行 Yama Girl》，亦會參演舞台劇《 Musilove》。
吳燕菁：工作量不及其他《 M Club》女，只間中出席商場騷。
陳瀅：剛與張繼聰、陳凱琳拍完大台律師劇《四個女仔三個 Bar》。
|
鍾意就快D Share啦！
|
|
|
