2014年12月14日 星期日

Eric Kwok明言: 所有歌都唔會俾謝安琪 Eric Kwok,謝安琪,




【7月演唱會唔撐場】Eric Kwok明言: 所有歌都唔會俾謝安琪

2014-12-14 21:06:00



(資料圖片)

Eric Kwok(郭偉亮)出道係同Jerald(陳哲廬)合組Swing彈起,兩個人音樂出色,可惜始終得唔到香港聽眾欣類,反而Eric食住同羅拔唐尼個樣似,以港版iron man彈起咗,今年中,Eric亦得以開作品演唱會,有唔少圈中朋友出席,不過當中就發生咗件不愉快事,就係本來佢請咗謝安琪(Kay)嚟做嘉賓,Kay都應承咗嚟,點知最後甩底,話係經理人唔俾佢嚟,當時Eric已經話:「作《囍帖街》令謝安琪升上另一Level,我打電話畀佢,佢話真係好想好想嚟,但之後佢經理人又話佢嚟唔到喎。」

到o依家,Eric仲記住呢件事,佢近日接受雜誌嘅訪問,再問到佢對謝安琪係咪好失望,佢明言:「我好失望,但係冇辦法,唔係個個都好似阿臣(陳奕迅)咁幫手。」再問到會唔會再俾好歌謝安琪,佢就話:「所有歌都唔會俾佢!唔係,佢要搵我先得0架!我唔會搲0架!」

訪問中Eric Kwok亦被問到會唔會覺得個樂壇,嚟嚟去去都係嗰幾個人,冇人可以接到班,佢就話:「接唔到咪接唔到,我冇咩所謂。」而Eric Kwok仲話覺得劉浩龍、梁漢文同李克勤都係懷才不遇嘅歌手,仲話自已有好音樂,一定會第一時間畀佢哋。



老婆嗰日當然都有支持佢。(資料圖片)



(資料圖片)



阿臣仲好幫得手。(資料圖片)



當日演唱會好多朋友都有到場支持。(資料圖片)



(資料圖片)



鍾意就快D Share啦!
Related Posts Plugin for WordPress, Blogger...