掃呢頁CODE去手機

2015年2月10日 星期二

單日僅收510萬 《浮華宴》內地票房仆直




單日僅收510萬 《浮華宴》內地票房仆直

2015-02-10 08:30:00



舊年中港兩地賀歲檔期票房成績都好好,搞到今年賀歲檔爭崩頭,香港就有四部華語片《浮華宴》、《衝上雲霄》、《12金鴨》同《賭城風雲II》上映,而動畫片較矚目嘅就有《多啦A夢3D》、《荒失失企鵝3D》同《超級無敵羊咩咩大電影之咩最勁!》等。

單係睇牌面就應該係叮噹鬥金鴨黃百鳴主演兼監製嘅《浮華宴》會喺羊年大年初一上映,而內地就提前喺上周五放映咗但係票房就唔多理想,三日累積票房只得二千四百二十萬人民幣,前日禮拜單日票房只得五百一十萬人民幣,睇個勢頂多五千萬人民幣就落畫。

黃百鳴幾乎每年都有賀歲片上映,去年就有《六福喜事》,香港票房收約一千八百萬,內地約收八千萬人民幣,但今年以古天樂扮神探作號召嘅《浮華宴》就唔多掂,內地口碑麻麻。睇嚟黃老闆下年再搞賀歲片時真係要花多啲心思,觀眾睇咗咁多年賀歲片,如果你唔諗吓綽頭,真係好難叫佢哋買飛入場。

鍾意就快D Share啦!