1997年亞姐冠軍韓君婷，五年前決心退出香港娛樂圈，並移居新加坡，幫阿哥打理生意。去年韓君婷返港出席朋友婚宴，其間亦接受幾間傳媒訪問，當時佢狀態甚好。
冇見一年，韓君婷今日再現身香港出席活動，今年39歲嘅佢keep得唔錯，身形依然苖條，不過細心啲睇就發現佢髮線後移，頭頂現窿，情況令人擔心。
佢透露自己喺新加坡工作辛苦，「我做電子公司嘅嘢，但唔係朝九晚五，係朝八晚十一。我係幫哥哥打工，時間會比較長。」唔知係咪因為工作壓力而導致有脫髮跡象呢！
佢仲話自己體驗過新加坡生活，覺得香港比較適合自己，暫時會留喺香港，唔排除再戰娛圈。
