掃呢頁CODE去手機

2015年7月14日 星期二

久別現身再闖娛圈 韓君婷驚異變臉 韓君婷,



久別現身再闖娛圈 韓君婷驚異變臉



其他影片:>>






久別現身再闖娛圈 韓君婷驚異變臉

亞姐冠軍出身的韓君婷退出娛圈差不多五年後,近日由新加坡回流香港準備再在娛圈發展。昨日她到觀塘出席商場活動時,容光煥發鼻翼兩邊收窄,容貌較兩個月前更見亮麗,引來變臉疑雲。韓君婷強調「我冇打Botox、冇整容」,她歸功於化妝技巧,鼻樑則因年前滑倒而變歪。

現年39歲的韓君婷97年當選亞姐冠軍後,在娛圈打滾多年於2010年到新加坡幫大哥打理電子生意。到近日她回流香港,5月時才出席亞視A記同學聚會,跟羅霖、繆非臨和張文慈等近300名台前幕後亞視舊人聚會。到昨日她又應邀跟黃日華囡囡黃芷晴,到觀塘apm商場擔任嘉賓,現場見韓君婷的容貌跟兩個月前有所不同,不單鼻翼收窄鼻頭變得有肉,整體臉貌有明顯改變,惹來變臉疑雲。



【昨日】■回流香港的韓君婷,打算在港找工作。



【鼻樑偏歪】■韓君婷昨日表示曾在新加坡跌倒以致鼻骨歪了,但嫌醫藥費貴而沒醫治。



【鼻翼變窄】

滑倒致鼻骨歪

韓君婷稍後接受電話訪問時說:「冇打過Botox,亦冇整容。你話變好睇咗應該係化妝改變,你知我鬼妹樣,呢幾年睇多咗雜誌研究番可以點化令自己冇咁鬼妹,今日條眉劃唔同咗,個樣望落四正啲。」她透露令自己容貌改變,是因為年多前在新加坡不慎滑倒令鼻骨歪了,她說:「你知新加坡成日落雨,有日落完自己唔小心仆落地整親。」她表示當時是正面落地,導致鼻骨變形,看醫生單是拉直鼻骨的手術費加住院費就要5萬新加坡元(約29萬港元),她表示覺得沒需要而且太貴:「好貴呀,我覺得又冇任何影響,所以冇做到手術。」



【今年5月】■韓君婷兩個月前出席A記同學聚會時,容光煥發,準備再戰娛圈。



【02年】■亞姐出身的韓君婷02年曾任纖體代言人,由巨躉變靚啲。

只遇Uncle冇拖拍

而在觀塘活動上,韓君婷受訪時曾表示香港生活較合適,她說:「我喺新加坡長大,離開咗十幾年,之後再返去,經過體驗我適合香港多啲。今次返嚟暫時未諗幾時離開,𠵱家見工搵嘢做,返娛樂圈都有人問過我,都唔排除,我都鍾意做節目。」她笑言香港吸引的地方是有冬天,新加坡好多時早上返工,未到下午已經全身濕透,又謂自己適合擔任旅遊及飲食節目的主持,也喜歡拍劇,最重要是希望多些人知道她回歸香港。

感情生活方面,韓君婷透露暫未有男友:「如果話冇人追咪好冇面,我全部精神放入工作,工作上認識嘅全部都係工程師同廠佬,10個有12個結咗婚,個個年紀大到要我叫uncle。我媽問過我好多次,佢都好明白,𠵱家佢都放棄咗,2015年做女仔可以有自己嘅生活。」

採訪:張俊銘

攝影:陳俊強

鍾意就快D Share啦!