| 肥胖了的邵仲衡笑言如果變瘦反而會顯得老。 | next 1/1 pre |
雖然無綫重播《大時代》早已落幕，但「丁孝蟹」邵仲衡在電台訪問中，被問到當時有否跟李麗珍「撻着」？邵仲衡說：「真係冇，不過當年我哋好後生，每日都要面對對方，如果真係有過電都係人之常情。」他直認自己只喜歡演戲，除了演戲以外的工作都興趣不大，這樣跟拍檔談情說愛，不會戲假情真嗎？他笑說：「呢啲係考驗亦係是福利。」
退出演藝圈後轉做車的生意，目前內地的生意已經全部給了同事與兄弟去做，他自覺人的一生好多轉折點都是一覺醒來突然沒有了興趣就不做了。他舉例說：「好似我曾經熱衷炒股，但之後發覺每日做住同一樣嘅事，都唔知為乜，無論幾貼近股市最後都係輸，覺得好嘥自己時間。」
提到同老婆關係，邵仲衡透露二人是做生意的時候開始，孩子在6、7歲時已經送了去外國讀書，他說：「可能因為自己喺單親家庭長大，冇阿爸陪住，冇試過同屋企一齊食飯睇電視，所以呢個想法放喺自己家庭，都覺得唔使每日對住，將佢哋放喺一個好嘅環境成長就會好，畀佢哋空間搵自己嘅世界，有問題啲細路都會搵我傾，再一齊搵解決方法。」
|
鍾意就快D Share啦！
|
|
|
