2015年7月27日 星期一

《捉妖記》破中國華語電影票房紀錄 捉妖記,



香港人身份的許誠毅,理大畢業後轉至美國發展,於夢工場動畫創造史力加,大獲好評,回流後首次拍攝真人配合動畫的《捉妖記》,香港票房就麻麻,只係得600萬,但係大陸自16號開畫,截止尋日嘅票房,十日就已經突破13億人民幣,超越《西遊‧降魔篇》同《泰冏》,成為中國華語電影票房冠軍,不過對比荷里活嘅引進片,仍然有一大段距離。

今年國內超過十億票房嘅電影,通通都係荷里活嘅A級製作,好似累收15億人民幣的《侏羅紀世界》及《復仇者聯盟2之奧創紀元》,更加誇張嘅係保羅獲加嘅遺作《狂野極速7》更大收24億人民幣,成為中國電影史上,首部突破20億票房嘅電影。

《捉妖記》上畫只有十日,要突破15億人民幣似乎不難,但近日上映大陸味濃嘅《煎餅俠》,加上大量中港明星客串,迎合內地口味,首日開畫已破億,且看《捉妖記》能否突圍。

古惑仔於內地電影《煎餅俠》復出。
鍾意就快D Share啦!
Related Posts Plugin for WordPress, Blogger...