阿Bob林盛斌係肥仔就眾所周知啦，而佢今午（7月27日）就同老婆去咗泰國布吉玩，自己露腩之餘，仲攬住著橙色三點式嘅Bob嫂，意外畀Bob嫂Show巨乳，難怪阿Bob咁錫老婆啦。
2007年同老婆結婚阿Bob，原來一直都未試過同老婆去旅行，留言話：「過去十年，未試過一齊去旅行，最遠去過澳門氹仔，度蜜月我哋都只係去咗香港迪士尼住一晚，問你怕未！今次豪住豪玩豪食布吉之旅，真係咩仇都報晒！」
為阿Bob生咗3個女嘅Bob嫂平日都不時喺阿Bob微博亮相，但就完全估唔到身材依舊強勁，同阿Bob嘅巨腩襯到絕！
