2015年7月20日 星期一

周秀娜執Bra收銀親力親為 周秀娜,



周秀娜微服出巡睇自家品牌嘅內衣舖!

next 1/1 pre

周秀娜嘅自家內衣品牌實體店已經試業

next 1/1 pre

周秀娜心情大靚,笑得好甜!

next 1/1 pre

周秀娜視察實體店!

next 1/1 pre

左睇右睇,好認真!

next 1/1 pre

周秀娜拉開個試身室,見到以自己內衣肖像牆紙做「生招牌」,即時笑得好開心~

next 1/1 pre

周秀娜耐心教導員工!

next 1/1 pre

咁啱有客人畀錢,周秀娜仲做埋收銀!

next 1/1 pre

真係親民呀!

next 1/1 pre

周秀娜親力親為到自己執Bra!

next 1/1 pre

好用心嘅老闆娘呀~

next 1/1 pre

「性感女神」周秀娜(Chrissie)憑32D驕人身材打出名堂,除早年出寫真為Chrissie贏盡名利外,早前亦成立「周秀娜工作室」轉型做演員,近年更涉入商界做老闆娘,去年年底建立自家內衣品牌,主力以網購為主,Chrissie更獲得美國金主睇中注資5千萬港元,並希望可以在三年內上市。

耐心提點員工

揚言希望可以在年底開實體店的Chrissie,原來已經達成願望,日前傍晚她現身尖沙咀,在助手陪同下走入一個小型商場,「微服出巡」到自家內衣品牌LaaNaa首間實體店視察。雖然舖頭仍處於試業階段,但亦不乏顧客問津,當老闆娘Chrissie一現身,店內員工便上前打招呼,又向Chrissie遞上店舖圖則和單據,並帶她視察店舖狀況,Chrissie一度走入試身室和其他角落,當她見到試身室旁有個人內衣肖像牆紙作「生招牌」時,即展露滿意的笑容。

之後Chrissie走到收銀處詢問員工狀況,當時剛好有顧客想付款,Chrissie亦以老闆娘身份親身示範收銀。其後她走到貨架前研究了一會,似乎對貨物擺放位置不太滿意,於是落手落腳執Bra上架,並且多番提點員工,表現得相當有耐性。據知Chrissie今次為新舖投資逾百萬,所以事事親力親為。

試業階段嗌緊張

事後《東網》致電Chrissie,詢問新舖開張事宜,她表示現時處於試業階段,並希望在今個月內開張大吉:「新舖好快開張,自己都緊張,因為話晒係第一間實體店,都想正式開張前再去望一望,等個心定啲。(新舖預備成點?)依家我哋係試業階段,基本上已經有客人上嚟睇,之前做網店有好多女仔問過會唔會有舖頭,或者幾時開,佢哋都好想過嚟,其實依家新舖已經Ready,係差啲細節位,可能再觀察一排先。(預計幾時正式開張大吉?)預計今個月內。」

望打造家庭感試身室

而Chrissie透露日後亦會經常「微服巡舖」,因想聽取客人意見,她說:「我好鍾意個試身室,我係女仔會想好似入到自己嘅衣帽間咁,嚟緊睇吓反應點,再聽埋唔同女仔嘅意見,希望大家嚟到有返屋企感覺。(舖頭投資幾多錢?)實際投資幾多我都唔清楚,因為有同其他人合資。(你自己拎幾多錢出嚟?)生意都係一路慢慢投資上去,第一間舖都想『靚靚仔仔』咁同大家見面,嗯......投資少少啦,淨係舖頭都過百萬。」

鍾意就快D Share啦!
Related Posts Plugin for WordPress, Blogger...