掃呢頁CODE去手機

2015年7月20日 星期一

疑假分手谷人氣 Eddie朱慧敏香閨度春宵 Eddie,朱慧敏,





其他影片:>>






嗰頭朱慧敏將Eddie(彭懷安)降呢做「生意拍檔」,又傳出因為唔肯生B而同Eddie正式分手。呢頭Eddie又被影到鬼祟到訪朱慧敏屋企,惹嚟假分手博見報嘅揣測!

原來有傳媒早喺本月11日,影到手上仲包紮緊嘅Eddie,鬼祟地一支公喺朱慧敏位於清水灣半島嘅寓所離開,左顧右盼後上小巴走人,估計極有可能上前一晚上去留宿度春宵。

自偷食事件後,朱慧敏嘅態度其實都兩邊擺,一開始不時暗示分手;之後Eddie入院做手術,朱慧敏大表擔心,仲探咗2次病,出院當日女方更話「從來無講過分手」。咁到底有分手?定分咗手再復合呢?

有知情者爆料,佢哋其實一早好番,不過男方偷食咁落朱慧敏面,都要時間同下台階嘅。據知,朱慧敏被飛出《愛.回家》後,頓時少咗份穩定收入;見男友生性開華星冰室,都想嫁去做老闆娘。唔公開復合,都係乘機想谷吓人氣,出多啲活動幫補吓咁話喎。
鍾意就快D Share啦!